ХҮНС ГРУПП Төрийн соёрхолт “ХУРД” хамтлагтай СОЁЛЫГ ТҮГЭЭНЭ

Монгол үндэсний хэв шинж, үнэт соёл, эрүүл, соёлч боловсон, органик хэрэглээг дотоодын болон гадаадын зах зээлд нутагшуулан түүчээлж буй Монгол улсын Хүнсний манлай үйлдвэр “Хүнс групп” ХХК нь хагас жарныг туулан 33 дах жилийн ойн баяраа угтан хэрэгжүүлж буй төслийн хүрээнд Монголын рок хөгжмийн түүхийг 30 жил тасралтгүй хөгжүүлж ард түмнийхээ оюун санааг урлагаар дамжуулан соён гэгээрүүлж, хайр хүндэтгэлийг хүлээсэн Төрийн соёрхолт “Хурд” хамтлагтай мастер түншлэлийн гэрээ байгууллаа.

Хүнс групп “Хүнс комплекс”, “Чингис рөүд”, “Кайлас”, “Хүнс боловсрол” зэрэг олон чиглэлд үйл ажиллагаа явуулж буй салбар компаниудын нэгдэл юм.

 

Хамтын ажиллагааны гол зорилго нь үндэсний үйлдвэрлэл, үндэсний брэндээ дотоодын болон олон улсын зах зээлд сурталчлан, зөв хэрэглээний соёлыг түгээхэд чиглэнэ.

Ташрамд дурдахад МУ-ын Төрийн соёрхолт “Хурд” хамтлаг нь өөрсдийн урлагийн амьдралын түүх, уналт босолт, сэргэлтийн үеийг харуулсан “Бүсгүй” уран сайхны киногоороо өнөөгийн нийгэмд агаар ус мэт дутагдаж байсан гэгээлэг сэдвийг хөндөн гаргаснаараа үзэгчдийг байлдан дагуулаад байгаа билээ.

Бид цаашид стратегийн ач холбогдол бүхий органик хүнс, боловсруулах үйлдвэрийн үнэ цэнийг сурталчлан таниулах зэрэг олон төслийг хэрэгжүүлэхээр төлөвлөж байна.