Т.Өөдөө: Өвлийг caapлaap зурна

Жүжигчин, хөтлөгч Т. Өөдөө

“Утасны анд” энэ удаад жүжигчин, хөтлөгч Т. Өөдөөтэй холбогдлоо. Түүнтэй цөөн хором ярилцсанаа хүргэе.

-Сайн байна уу. Сайхан шинэлэв үү?

- Сайхан шинэллээ . Монголынхоо ард түмэнд модон морин жилийн мэндийг дэвшүүлье.

-Таны шинэ өглөө яаж эхэлсэн бэ?

-Сайхан амраад яг одоо эрч хүчтэй байна. Миний өглөө бүхэн хүүгээ хооллохоос эхэлдэг. Өнөөдөр ч тэр дүрмээрээ эхэлсэн. Хүү маань эрт сэрдэг болохоор дагаад сэрчихдэг юм. Түүний дараа өнөөдрийнхөө ажлын төлөвлөгөөг гаргадаг.

-Өнөөдрийн ажлаа юунаас эхлэх вэ?

-Гэрийнхээ ажлыг амжуулчихаад гадагшаа гарах санаатай.

Миний өглөө бүхэн хүүгээ хооллохоос эхэлдэг.

-Гоо сайхны ширээний ард сууж амжив уу?

-Би гоо сайхандаа олон цаг зарцуулдаггүй. Зүгээр л өөртөө тохирсон гоо сайхны бүтээгдэхүүн хэрэглээд, биед эвтэйхэн хувцас өмсөх дуртай. Амралтын өдөр бүр будах дургүй. Магадгүй нэг бодлын миний хамгийн сул тал энэ байх.

-Гэхдээ бас давуу тал байж болох юм шүү?

-Тийм бол сайхан л байна. Бүсгүй хүн энгийн байхдаа илүү үзэсгэлэнтэй гэдэг байх шүү.

-Өнөөдөр төлөвлөсөн ажлаасаа онцлооч?

-Машин гардаггүй өдөр болохоор шууд “SBN” телевиз рүү явна. Нэвтрүүлгийнхээ эвлүүлгийг хийнэ. Өө бас “Alfa Music” төслийнхөө залуустай уулзах юм байна. Яг мартах нь.

-Өдрийг завгүй өнгөрөөх нь дээ. Ер нь чөлөөт цаг гарвал та юу хийх дуртай вэ?

-Аль болох гэр бүлдээ цаг гаргахыг хүсдэг. Бас нэг зүйл бий. Хааяа бухимдахаараа зураг зурах дуртай.

-Дуулдаг, жүжиглэдэг, хөтөлдөг бүсгүйд бас зургийн авъяас байдаг байх нь ээ?

-Зурах дуртай. Дүрслэх урлагийн сургуулийн оюутан болсон. Юу ч бодолгүйгээр ангидаа суугаад зурах амьдралын минь сайхан мөчийн нэг. Сүрхий, мундаг зурдаг гэж хэлэхгүй ч өөрөө өөртөө зураач болоод байгаа.

-Та одоо юу зурж байгаа вэ?

-Багш юу зур гэнэ түүнийг л зурж байна. Макет тавиад зурах дадлага хийж байгаа. Гэхдээ дулаарахаар нэг зураг зуръя гэсэн бодол бий. Одоохондоо зургийнхаа санааг нууцлая.

-Гадаа хүйтэн байна. Өвлийг цагаанаас өөр өнгөөр зур гэвэл та яаж дүрслэх бол?

-Сонин асуулт байна шүү. Бодож үзээгүй юм байна. Гэхдээ цасан цагаан биш саарлаар зурахаас.

-Өвөлд дуртай юу?

-Өвөл надад зэвэргэн, хүйтэн хөндий мэдрэмжийг төрүүлдэг юм. Тиймээс яг одоо зун хурдан болоосой гэж бодож байна.