Өчигдөр орсон борооны үеэр зам дагуу байрлуулсан автомашин дээр хашаа нурж, иргэний эд хөрөнгөд хохирол учирчээ
Улаанбаатар хотод орсон борооны үеэр өчигдөр Сүхбаатар дүүрэг Хүнсний 4 дүгээр дэлгүүр орчимд зам дагуу байрлуулсан автомашин дээр барилгын төмөр хашаа нурж, иргэний эд хөрөнгөд хохирол учирчээ.
Дуу цахилгаантай аадар бороо өнөөдөр, маргааш үргэлжлэх төлөвтэй байгаа тул учирч болзошгүй эрсдэлээс сэргийлэхийг анхааруулж байна.
Өчигдөр ихэнх нутгаар салхи секундэд 6-11 метр, зарим үед борооны өмнө түр зуур секундэд 26-28 метр хүрч ширүүссэнийг Цаг уур, орчны шинжилгээний газраас мэдээлсэн. Иймд иргэд автомашин болон бусад хөрөнгөө зориулалтын талбайд байршуулж, хүчтэй салхи шуурганы улмаас үүсэж болох эрсдэлийг тооцоолохыг зөвлөж байна.
Түүнчлэн хол замд гарахдаа жолооч, зорчигчид аюулгүй байдлыг сайтар хангахыг мэргэжлийн байгууллагаас зөвлөв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
