"Хасын Хүлэгүүд" баг өрсөлдөгчөө хоёр онооны зөрүүтэй хожсоноор аваргын төлөөх цувралыг тэнцүүлэв
Монголын Сагсан Бөмбөгийн Холбооны Үндэсний Дээд лигийн аваргын төлөөх шигшээ цувралын хоёр дахь тоглолт өчигдөр "М банк арена"-д боллоо.
Тус тоглолтод "Хасын Хүлэгүүд" баг өрсөлдөгчөө хоёр онооны зөрүүтэй буюу 83:81 онооны харьцаатай хожиж, цувралыг 1:1 болгож тэнцүүллээ. "Бишрэлт Металл" багийн хувьд дөрвөн үеийн турш оноогоор тэргүүлж чадахгүй байсаар тоглолтыг дуусгасан. Гэхдээ тэд дөрөвдүгээр үеийн сүүлийн дөрвөн минутад есөн онооны зөрүүг барьж, 81:80 болгож тэнцүүлсэн.
Улмаар "Хасын Хүлэгүүд" багийн тоглогч, гавьяат тамирчин Б.Билгүүн 01:40 минутад гурван онооны шидэлтийг амжилттай гүйцэтгэснээр тоглолтын үр дүнг шийдэв.
"Бишрэлт Метал" багийн тоглогч Т.Ууганбаяр цувралын хоёр дахь тоглолтод 20 оноо, 10 самбар, 10 оновчтой дамжуулалт өгч шилдгээр тодорсон юм. Аваргын төлөөх шигшээ цувралын гурав дахь тоглолт дөрөвдүгээр сарын 26-ны Бямба гарагийн 15:10 цагт эхэлнэ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
