Үнэт эдлэлийн дэлгүүр тоносон этгээдүүдийг эрэн сурвалжилж, олж тогтоожээ
Үнэт эдлэлийн дэлгүүрт орсон хулгайн хэргийн талаар Цагдаагийн Ерөнхий Газар (ЦЕГ)-аас сэрэмжлүүллээ.
Тодруулбал дөрөвдүгээр сарын 13-ны өдөр Чингэлтэй дүүрэгт байрлах үнэт эдлэлийн дэлгүүрийн хаалгыг эвдэн орж, 50 ширхэг алтан бөгж, 50 ширхэг алтан хос ээмэг, 50 ширхэг монетон бөгж, хоёр ширхэг алтан аяга зэрэг үнэт эдлэл хулгайлсныг цагдаагийн алба хаагчид эрэн сурвалжилжээ.
Улмаар эзэн холбогдогчийг олж тогтоон, алдагдсан эд зүйлсийг бүрэн хүлээлгэн өгснийг мэдээлэв.
Уг хэргийг гудамж талбай, олон нийтийн газарт байршуулсан хяналтын камерын тусламжтай илрүүлсэн ба цагдаагийн байгууллагаас аймаг, нийслэлийн нутаг дэвсгэрт олон улсын стандартад нийцсэн камержуулах ногоон бүс төслийг 2022 оноос хэрэгжүүлж байна.
Өнөөдрийн байдлаар улсын хэмжээнд 85,290 камер байршуулсан.
Камер ашиглалтад нэвтрүүлснээр 2024 онд 1,652 гэмт хэрэг, 8,393 зөрчлийг илрүүлж 525 гэмт хэрэг, 878 зөрчлийг үйлдэл дээр нь таслан зогсоож оршин суугаа газраасаа алга болсон 200 хүүхдийг олж тогтоон эцэг эх, асран хамгаалагчид нь хүлээлгэн өгчээ.
ВИДЕО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
12 СЭТГЭГДЭЛТЭЙ
|
