Дарь-Эхийн замд долоон тээврийн хэрэгсэл мөргөлджээ
Өнөө өглөө 08:00 цагийн үед Баянзүрх дүүргийн 31 дүгээр хороо Монелоос Дарь Эх явах замд долоон тээврийн хэрэгсэл мөргөлдсөн осол бүртгэгджээ.
Одоогоор Замын цагдаагийн хэлтэст шалгалтын ажиллагааг явуулж байгаа ба урьдчилсан байдлаар жолооч нар согтууруулах ундааны зүйл хэрэглээгүй, ослын улмаас хүн гэмтэж бэртээгүй байна.
Өнөөдөр Улаанбаатар хотод үүлэрхэг, өдөртөө цас орж салхи секундэд 7-12 метр, зарим үед секундэд 14-16 метр хүрч ширүүсэж, цасан шуурга шуурах юм. Иймд замд халтиргаа гулгаа үүсэх тул гулгаанаас сэргийлж, хурдаа тохируулан тээврийн хэрэгслийн техникийн бүрэн бүтэн байдлыг ханган хөдөлгөөнд оролцохыг Тээврийн цагдаагийн албанаас зөвлөлөө.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
