МАРКЕТИНГ ГЭЖ ЮУ ВЭ? онлайн сургалтад амжиж бүртгүүлээрэй

Маркетингийн талаар цэгцтэй ойлголтгүй, гэхдээ маркетинг гэж юу болохыг ойлгох хүсэл, хэрэгцээтэй хүмүүст зориулсан маркетингийн анхан шатны мэдлэгийг энгийнээр ойлгуулах онлайн сургалт 3 дах элсэлтээ авч байна.

Маркетингийн салбарт 15 гаруй жил, олон арван бизнесүүдтэй ажилласан туршлагатай маркетер, энтрепренер Д.Гэрэлт-Одын энэхүү сургалтын талаар түүнтэй ярилцсан юм.

- Яагаад энэ сургалтыг хийх болов?

Өнгөрсөн хугацаанд хамтран ажилласан жижиг, том олон бизнесүүдийн дийлэнх нь маркетинг гэж юу болох талаар бүрэн дүүрэн ойлголтгүй байгаа нь удирдлага болон гүйцэтгэх шатанд ажиллаж байгаа ажилтнуудын аль алинд нь анзаарагдсан. Захирлуудын мэдлэг гүйцэд биш болохоор ажилтнуудаас нь зөв гүйцэтгэл гарахгүй байна. Нөгөөтэйгүүр, ажилтнууд нь туршлага, мэдрэмж, ур чадвар дутмаг байгаагаас гүйцэтгэл сайн биш байна. Тэд маркетингийг зөвхөн реклам хийж цацах, инфлүенсэрээр видео хийлгэх, сошиал медиа сувагтаа ямар ч хамаагүй контент оруулахаар л ойлгож байна. Үүнийгээ ч тогтмол хийж чаддаггүй. Яагаад гэхээр, реклам хийх, түүнийгээ цацах, инфлүенсэр хөлслөх нь чамгүй үнэтэй. Гэтэл гаргасан зардлаа нөхөх хэмжээний борлуулалт бизнесүүдэд эргэж орж ирдэггүй. Дээр нь олон бизнесүүд маркетингаа “гадны” хүмүүст буюу инфлүенсэрүүдэд даатгаж байна. Яг л ламд амь амьдралаа даатгадаг шиг. Тэд л бизнесийг нь аврах юм шиг, эрс өөрчлөх юм шиг ойлгож, найддаг. Үнэндээ бол тийм биш. Бизнесийг бизнесийн эзэн нь, түүний ажилтнууд нь хийх хэрэгтэй зөв ажлаа, зөв хийснээр л аварна. Нэмээд хэлэхэд, дийлэнх бизнесүүд маркетингийн арга хэмжээг дандаа хоцорч авдаг. Жишээ нь, яг баярын өмнөх өдөр сурталчилгаагаа эхлүүлдэг. Энэ бүхнээс болж бизнесүүд багагүй мөнгийг үр ашиггүй зарцуулж байна. Сургалт хийх болсон зорилго маань бизнесүүдийн энэ байдлыг өөрчлөхөд туслах явдал юм.  

 

- Реклам цацах, инфлүенсэрүүдийг ашиглах чинь маркетинг биш гэсэн үг үү?

Энэ 2 нь бизнес хэрэглэгчтэйгээ харилцаж буй үйлдэл. Харилцаа бол маркетингийн нэг л хэсэг. Бизнесийн эцсийн хүсэл бол бага зардлаар, богино хугацаанд ихийг зарах. Улмаар, энэ байдлаа урт хугацаанд хадгалах. Гэтэл реклам ч тэр, инфлүенсэр ч тэр хямд биш. Үнэтэй биш бүтээгдэхүүнүүдийг инфлүенсэрүүд их хэмжээгээр зарж болох ч борлуулалтын энэ идэвхтэй байдал урт хугацаанд тогтвортой байдаггүй. Маркетинг гэдэгт чухам юуг ойлгох учиртайг сургалтдаа тайлбарласан байгаа.

- Энэ сургалт хэнд зориулагдсан бэ?

1. Маркетинг хийх хэрэгцээ шаардлага үүсээд байгаа ч хэрхэн хийхээ мэдэхгүй байгаа хүмүүс.
2. Маркетинг хийгээд байна гэж бодоод байсан чинь үр дүнг нь огт мэдэхгүй байгаа хүмүүс
3. Маркетинг хийж өгнө гэсэн хүмүүст ажлаа даатгасан ч бас л үр дүнг нь мэдрэхгүй байгаа хүмүүс
4. Маркетингийн мэргэжил, туршлагагүй боловч маркетинг хийх шаардлагатай болсон хүмүүс
5. Маркетинг гэж юу болохыг ойлгож, улмаар ажлаа зөв явуулж, ажилтнуудаа зөв ажиллуулах хүсэлтэй жижиг дунд бизнесийн эзэд
6. Маркетингд сонирхолтой ахлах ангийн сурагчид
7. Маркетингаар сурдаггүй оюутнууд
8. Маркетинг гэж юу болохыг мэдэхийг хүссэн хүн бүхэн

- Маркетингийн талаарх ямар ташаа ойлголтууд түгээмэл байдаг вэ?

1. Маркетинг чинь сурталчилгаа ш дээ. Гэтэл зар сурталчилгаа бол маркетингийн нэг л хэсэг. Дан ганц сурталчилгаа сайн байснаар борлуулалт нэмэгдчихгүй.
2. Маркетинг зөвхөн борлуулалт хийх ёстой. Гэтэл маркетинг бол хэрэглэгчийн хэрэгцээг ойлгосноор тэдэнд үнэ цэнэ өгч, эцэст нь тэдний тоог нэмэгдүүлэх ажил.
3. Маркетингийг том бизнесүүд л хийдэг. Танд зарах ямар нэг юм байгаа л бол маркетинг хэрэгтэй.
4. Гайхамшигтай бүтээгдэхүүнд маркетинг хэрэггүй. Гэтэл гайхамшигтай бүтээгдэхүүн өөрөө зарагддаггүй. Гайхамшигтай гэдгийг нь хүлээн зөвшөөрөх хүмүүст мэдээллийг хүргэж, түгээх учиртай. 
5. Маркетингийн үр дүн тэр дороо харагдах ёстой. Маркетинг нь судалгаа, төлөвлөгөө, гүйцэтгэл, хэмжилт гэх мэт олон ажлын үр дүнгийн нийлбэр юм. Тийм байтал, нэг ажил хийе гэнгүүт үр дүн нь ямар байхыг шаардах нь өрөөсгөл.
6. Маркетингийг хэн ч хийж чадна. Тийм бас үгүй. Маркетинг хийхийн тулд зөв мэдлэг, мэдээлэлтэй байх хэрэгтэй. Бас мэдрэмжтэй байх учиртай. Хүн болгон мэдээлэл, мэдлэг, мэдрэмжтэй байдаггүй. 
7. Маркетингийг зардалгүй хийж болно. Маркетинг бол тасралтгүй, тогтвортой хийгдэх учиртай ажил. Маркетингийн ажлыг 1 удаа, 2 удаа зардалгүй хийж болох ч урт хугацаанд зардал гаргахгүй хийх боломжгүй. Олон улсад маркетингийн зардлын хэмжээ жилийн борлуулалтын орлогын 3-8% байх нь түгээмэл.

- Маркетинггүй бизнест ямар түгээмэл асуудлууд тулгардаг вэ?

Танай компани болон бүтээгдэхүүний нэрийг мэддэг хүн цөөхөн байна. Танай талаар цөөн хүн мэддэг гэдэг нь хэрэглэдэг хүн бас цөөхөн гэсэн үг. Хэрэглэгч цөөн болохоор борлуулалтын орлого бага байх нь гайхах зүйл биш.

- Сургалтын агуулгыг танилцуулаач. Таны сургалтанд суух хүмүүс юу мэдэж авах вэ?

1-р хэсэг: Маркетинг гэж юу вэ?

2-р хэсэг: Маркетингийн судалгаа

3-р хэсэг: Маркетингийн стратеги ба төлөвлөгөө

4-р хэсэг: Мессеж тодорхойлох

5-р хэсэг: Контент бүтээх

6-р хэсэг: Контент түгээлт ба суваг хөгжүүлэлт

7-р хэсэг: Маркетингийн ажлын үр дүнгийн хэмжилт

8-р хэсэг: Маркетингтай холбоотой мэдвэл зохих ойлголтууд

9-р хэсэг: Маркетингийн 2025 оны трэндүүд

10-р хэсэг: Дүгнэлт

- Сургалт хаана болох вэ?

Түгжрэл ихтэй хотод амьдардгаа бодолцон сургалтыг фэйсбүүкийн хаалттай группт зохион байгуулна. Хичээл эхэлсэн эхний өдрөөс эхлэн өдөр бүр нэг хичээл видео хэлбэрээр орно. Суралцагсад бүх хичээлийн видеог 2 сарын хугацаанд үзэх эрхтэй. Суралцагсад хичээл болгоны видеоны дор тухайн хичээлтэй холбоотой асуултуудаа бичиж үлдээнэ. Багш бүх асуултуудад хариулна. Сургалтад суухаар сонирхож буй хүмүүс дараах холбоос дээр дараарай.

Холбоос: https://www.facebook.com/photo/?fbid=1030377335803659&set=a.447663450741720

- Сургалт хэзээ эхлэх вэ?

Сургалт 3 дугаар сарын 20-нд эхэлнэ.

 

Ярилцсанд баярлалаа.