Борооны ус зайлуулах худаг, шугам руу ахуйн хог хаяхгүй байхыг санууллаа
Борооны ус зайлуулах шугамын 3 дугаар коллекторын баруун худагт өчигдөр буюу зургаадугаар сарын 15-нд цэвэрлэгээ хийхэд ахуйн хаягдал, том хөнжил хаяж борооны ус урсах урсгалыг бөглөсөн байсныг татан гаргаж урсцыг хэвийн болголоо гэж Геодези Усны Барилга Байгууламжийн газраас мэдээлэв.
Тус газраас тодруулснаар 3 дугаар коллектор нь Баянгол дүүргийн нутаг дэвсгэр, Вокзал, Барс 1 захын орчимд байрладаг байна. Энэхүү шугам нь тухайн орчмын борооны усыг хуримтлуулахгүйгээр зайлуулах гол инженерийн байгууламж аж.
Иймд иргэн, ААН-үүдийг борооны ус зайлуулах худаг, шугам руу ахуйн хог хаягдал хийхгүй байхыг санууллаа.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
