Apple компани удаан хүлээлгэсэн хямд үнэтэй iPhone 16e загвараа танилцууллаа

Өчигдөр буюу Лхагва гарагт Apple компани iPhone ухаалаг гар утасныхаа хямд үнэтэй iPhone 16e хувилбарыг сүр дуулиангүйгээр зах зээлд танилцуулжээ.

Хамгийн сүүлд тус компани 2022 онд энэ ангиллын iPhone SE загварыг танилцуулж байсан юм.

Өнгөрсөн намар танилцуулагдсан үндсэн iPhone 16 загвар хамгийн хямд нь $799-ээс эхлэх үнэтэй байдаг бол iPhone 16e загварын 128GB багтаамжтай хувилбар нь $599-ээр хоёрдугаар сарын 28-ны өдөр худалдаанд гарна.

256GB хувилбар нь $699, 512GB хувилбар нь $899 үнэтэй байх гэнэ.

Харин урьдчилсан захиалга нь маргааш эхлэх ажээ.

Шинэ iPhone нь Apple Intelligence хиймэл оюуны системийг заавал өндөр үнэтэй загвар худалдаж авалгүйгээр ашиглах боломж нээж байна.

Шинэ загварын гадаад хийц, материал нь үндсэн iPhone 16 загварынхтай адил хөнгөн цагаан хүрээ болон бэхжүүлсэн шилэн артай байх гэнэ. Өнгөний хувьд хар ба цагаан (matte) хоёр сонголттой байна.

Дотор талдаа стандарт таван цөмтэй A18 процессорын арай хялбаршуулсан хувилбар буюу дөрвөн цөмтэй A18 чипийг суулгажээ.

Үүнээс бусдаар бол үндсэн iPhone 16 загвартай бараг дүйцэх хэмжээний техникийн үзүүлэлттэй болсон байна.

Бас нэг ялгаа нь үндсэн 16 загварт анх удаа нэвтэрсэн Camera товч нэмэгдээгүй байгаа юм.

Харин 2023 онд iPhone 15 Pro загварт анх нэвтэрч байсан “Action Button” товчийг iPhone 16e багтаажээ. Энэ нь зарим үйлдэл, функцийг хялбар ашиглахаар тохируулж болдог товч юм.

2x zoom, 48MP үзүүлэлттэй арын камерын хувьд үндсэн 16 загвар шиг олон биш, харин ганц дурантай болжээ.

Гэхдээ Apple үүнийгээ “two-in-one” буюу хоёр камерын үүргийг нэг системд багтаасан гэж тайлбарласан байна.

iPhone 16e загварын техник үзүүлэлтүүд:

 

Эх сурвалж: Business Insider