ТАНИЛЦ: 2025 онд төлөх эрүүл мэндийн даатгалын шимтгэлийн хувь хэмжээ

Гэрэл зургийг MPA агентлагийн онцгой зөвшөөрөлтэйгөөр ашиглав

Эрүүл мэндийн даатгалын хувь хэмжээг хөдөлмөрийн хөлсний доод хэмжээтэй уялдуулан Засгийн газар шинэчлэн баталдаг.

Энэ оны дөрөвдүгээр сарын 1-нээс хөдөлмөрийн хөлсний доод хэмжээ 792,000 төгрөг болно. Иймд эрүүл мэндийн даатгалын шимтгэлийн хувь хэмжээ үүний хоёр хувиар тооцогдон шинэчлэгдсэнийг Эрүүл Мэндийн Даатгалын Ерөнхий Газраас танилцуулаа. 

Тодруулбал 2025 оны дөрөвдүгээр сарын 1-нээс эхлэн иргэд эрүүл мэндийн даатгалд сар бүр 15,840 төгрөг төлөх юм. 

Эрүүл мэндийн даатгалын шимтгэлээ өөрөө хариуцан төлөх иргэд:

• Хувиараа хөдөлмөр эрхлэгч иргэн
• малчин
• их, дээд сургууль, коллеж, мэргэжлийн сургалт, үйлдвэрлэлийн төвийн суралцагч.

Харин төрөөс хариуцан төлөх иргэд гэдэгт

• 0-18 насны хүүхэд
• тэтгэврээс өөр тогтмол мөнгөн орлогогүй иргэн
• нийгмийн халамжийн дэмжлэг, туслалцаа зайлшгүй шаардлагатай өрхийн гишүүн
• хүүхдээ хоёр нас хүртэл, ихэр хүүхэдтэй бол гурван нас хүртэл нь өсгөн бойжуулж буй эх эсвэл эцэг
• хугацаат цэргийн алба хаагч
• ял эдэлж байгаа ялтан хамаарна.