Шатрын сурагчдын тивийн АШТ-ээс манай тамирчид хоёр алт, нэг мөнгөн медаль хүртэв

Тайланд улсын Бангкок хотноо сурагчдын Азийн Аварга Шалгаруулах Тэмцээн (ААШТ) энэ сарын 3-наас 8-ны өдрүүдэд зохион байгуулагдлаа.

18 дахь удаагийн сурагчдын тивийн тэмцээнд манай улсаас зургаан насны ангилалд 48 тамирчин өрсөлдсөн юм.

Тус тэмцээний 7 насны хөвгүүдийн ангилалд оролцсон Дорноговь аймгийн "Хутагтын Мэлмий" клубийн тамирчин У.Ухаанбилэг алт, 11 насны хөвгүүдийн ангилалд "Босоо ноён" клубийн тамирчин Ц.Ананд алт, охидын 7 насны ангилалд "Гэгээн арвай" клубийн тамирчин Б.Цэлмэг мөнгөн медаль хүртэв.

Сурагчдын ААШТ өнөөдөр рапид төрлөөр, маргааш блиц ангиллаар үргэлжилнэ.