Хангарди ордны зүүн талын борооны ус зайлуулах шугамын талбайг нөхөн сэргээж эхэллээ
Хан-Уул дүүргийн 24 дүгээр хороо, Арцатын аманд “Хангарди” ордны зүүн талд 524 метр урт борооны ус зайлуулах шугам угсарч дууссан болохыг Геодези Усны Барилга Байгууламжийн Газраас мэдээлэв.
Харин одоо үргэлжлүүлэн тухайн нөхөн сэргээлтийг гүйцэтгэж байгаа аж. Тус байршлын борооны ус зайлуулах шугам угсрах ажлыг тавдугаар сарын 15-наас эхэлсэн бөгөөд Хан-Уул дүүргийн нэгдсэн эмнэлгээс Наадамчдын авто зам хүртэлх борооны ус зайлуулах шугамыг угсрахад нийслэлийн төсвөөс 4.6 тэрбум төгрөгийг төсөвлөсөн байна.
Мөн Баянзүрх дүүргийн 13 дугаар хороо, Сүнжинграндын хажуугийн үерийн далангийн нурсан хэсгийг засварлаж дууссан гэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
