Нийслэлийн зургаан дүүргийн хэмжээнд 4,876 тонн давс, 3,140 тонн бодисын нөөцтэй байна

Гэрэл зургийг MPA агентлагийн онцгой зөвшөөрөлтэйгөөр ашиглав

Нийслэлийн хэмжээнд 1,128 зам талбайн үйлчлэгч 185 тусгай зориулалтын техникээр авто замыг цэвэрлэж байгаа аж.

Өчигдрийн байдлаар нийслэлийн зургаан дүүргийн зам талбайд халтиргаа гулгаа үүсэхээс сэргийлж 635 тонн давс, 10 тонн дайрга, 57 тонн бодис цацжээ.

Одоо дүүргүүд нийт 4,876 тонн давс, 3,140 тонн бодисын нөөцтэй байна.

Тодруулбал:

1. Баянзүрх дүүрэг 826 тонн давс, 1,133 тонн бодис
2. Чингэлтэй дүүрэг 196 тонн давс, 66 тонн бодис
3. Сүхбаатар дүүрэг 624 тонн давс, 368 тонн бодис
4. Хан-Уул дүүрэг 1,645 тонн давс, 757 тонн бодис
5. Сонгинохайрхан дүүрэг 887 тонн давс, 342 тонн бодис, 154 тонн дайрга
6. Баянгол дүүрэгт 698 тонн давс, 474 тонн бодис, 160 тонн дайргын нөөц үлджээ.

Өнгөрсөн өвөл нийслэлийн зам, талбайд 5,500 орчим тонн давс, 7,000 гаруй тонн бодис хэрэглэжээ.