ФОТО: Улаанбаатар хотыг цас бүрхэж, хүйтэрснээр агаар бага бохирдолтой болон хэвийн байна

Гэрэл зургийг MPA агентлагийн онцгой зөвшөөрөлтэйгөөр ашиглав

Өнөөдөр/2024.11.26/ өглөөний 08:00 цагийн мэдээллээр Улаанбаатар хотод өнгөрсөн шөнө 2мм хур тунадас орж, цасны зузаан 3см болж, -16....-20 градусын хүйтэн хоножээ.

Цас орж, хүйтэрснээр 13:15 цагийн байдлаар нийслэлийн Толгойт, Монгол газар хоёрт агаар бага бохирдолтой бусад байршилд хэвийн болон цэвэр байгааг агаарын чанарын хэмжилт харуулж байна. 

Цаг Уур, орчны Шинжилгээний Газраас/ЦУОШГ/ "Өнөөдөр 12:00-18:00 цаг хүртэл Улаанбаатар хотод цас орно. Салхи баруун хойноос секундэд 5-10 метр. Агаарын температур -12...-14 градус хүйтэн байна" гэв.

Энэ хугацаанаас өмнө Нэгдүгээр хороолол болон Монгол газар компанийн орчимд Маш их бохирдолтой бол Толгойт, МҮОНТ, Хайлааст орчимд агаарын чанарын индекс 200-г давж, бохирдолтой гарч байв. Үүний улмаас сүүлийн 10 гаруй жилийн хугацаанд төр, засгаас утааг бууруулна гэж зуух, нүүрсийг сольж, хэдэн тэрбумаар нь мөнгө зарцуулсан ч үр дүнд хүрсэнгүй. Харин хордсоор байна гэж иргэд бухимдаж буй.

Улаанбаатар хотыг цас бүрхсэн байдал: /2024.11.26/