“GEM GROUP” спортын аваргуудаа тодруулж байна

Шингэн хүнсний манлай үйлдвэр “ЖЕМ ИНТЕРНЭШНЛ” ХХК-ийн 25 жилийн ой энэ онд тохиож байна. Байгуулагдсан цагаасаа спортын олон арга хэмжээг ивээн тэтгэж ирсэн “Жем”-чүүд өөрсдөө ч спортлог хамт олон.

Ажилчдынхаа эрүүл мэндийг дэмжих, нийтийн биеийн тамирыг хөгжүүлэх зорилгоор 2008 оноос хойш групп компаниудын хооронд тогтмол “СПОРТ НААДАМ” зохион байгуулж ирсэн бөгөөд энэ өдрүүдэд “GEM GROUP” 2024 оны спортын аваргуудаа тодруулж буй.

 

Энэ сарын 18-наас 22-ныг дуустал таван өдөр үргэлжлэх “GEM GROUP”-ийн “Спорт наадам-2024”  зургаан төрлөөр явагдаж байна.

Сагсан бөмбөг, гар бөмбөг, ширээний теннис, дартс, E-sport, шатар гэсэн спортын зургаан төрөлд “GEM GROUP” -ийн 12 охин компанийн 1000 гаруй ажилтнаас шигшигдсэн 220 тамирчин хурд хүч, оюун ухаанаа сорьж өрсөлдөж байна. 

Тэмцээнийг “ЖЕМ ИНТЕРНЭШНЛ” ХХК, “ЖЕМНЭТ” ХХК-тай хамтран зохион байгуулж буй бөгөөд өнөө жил ‘’ЖЕМНЭТ XXK”-ийн 15 жилийн ой тохиож байна.

 

2024 он бол “ЖЕМ ИНТЕРНЭШНЛ” ХХК-ийн хувьд ихээхэн онцлогтой, амжилттай жил. Түүхт 25 жилийн ой нь тохиож буйгаас гадна Монгол Улсын Засгийн газар, МҮХАҮТ-аас жил бүр тодруулдаг “ТОП-100” аж ахуйн нэгжийн нэгээр дахин шалгарсан билээ. Ийнхүү амжилтаа ахиулж, бататгахаас гадна өнөө жил нийгмийн хариуцлагын хүрээнд олон төсөл, хөтөлбөр хэрэгжүүлжээ.

Тухайлбал, ‘’UB марафон 2024’’ тэмцээний ерөнхий ивээн тэтгэгчээр ажилласан байна. Мөн шинэ тансаглал маркетинг аяны хүрээнд ‘’Хужирт’’ брэнд нь Хан-Уул дүүрэгт байрлах Эх, Нярай, Эмэгтэйчүүдийн Үндэсний Төвийн хамгийн их ачаалалтай тасаг болох Хүүхдийн яаралтай тусламжийн тасгийн 24 цагийн үзлэгийн өрөөг бүрэн тохижуулсан юм.