Энэ сарын 17-нд нутгийн баруун хэсгээр, 18-22-нд ихэнх нутгаар өдөртөө хүйтний эрч бага зэрэг суларна

Гэрэл зургийг MPA агентлагийн онцгой зөвшөөрөлтэйгөөр ашиглав

Ирэх 10 хоногийн буюу 11 дүгээр сарын 15-24-ний өдөр хүртэлх цаг агаарын урьдчилсан төлөвийг Цаг уур, орчны шинжилгээний газраас мэдээллээ. 

11 дүгээр сарын 17-нд нутгийн баруун хэсгээр, 18-22-нд ихэнх нутгаар өдөртөө хүйтний эрч бага зэрэг сулрах юм байна. 

Хур тунадас:

• 11 дүгээр сарын 15-нд төвийн аймгуудын нутгийн хойд хэсэг, говийн аймгуудын нутгийн зүүн хэсэг, зүүн аймгуудын нутгийн зарим газраар,
• 11 дүгээр сарын 22-нд Алтай, Хангайн уулархаг нутгаар,
• 11 дүгээр сарын 23-нд баруун аймгуудын нутаг, төвийн аймгуудын нутгийн баруун хэсгээр,
• 11 дүгээр сарын 24-нд нутгийн зүүн хагаст цас орж, цасан шуурга шуурна.

Салхи:

• 11 дүгээр сарын 15-нд говь, тал, хээрийн нутгаар,
• 11 дүгээр сарын 16-нд нутгийн зүүн хэсгээр,
• 11 дүгээр сарын 22-нд Алтайн уулархаг нутгаар,
• 11 дүгээр сарын 23-нд нутгийн баруун хагаст,
• 11 дүгээр сарын 24-нд нутгийн зүүн хагаст секундэд түр зуур 18-20 метр хүрч ширүүсэж, нутгийн өмнөд хэсгээр шороон шуурга шуурна.

Агаарын температур:

• Дархадын хотгор, Монгол-Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс голын хөндийгөөр шөнөдөө -22...-27 градус, өдөртөө -7...-12 градус,
• Эг, Үүр, Хараа, Ерөө, Туул, Тэрэлж, Хэрлэн, Онон, Улз голын хөндийгөөр шөнөдөө -15....-20 градус, өдөртөө -5....-10 градус,
• Их нууруудын хотгор, говийн бүс нутгийн өмнөд хэсгээр шөнөдөө 0...-5 градус хүйтэн, өдөртөө +1...+6 градус дулаан,
• бусад нутгаар шөнөдөө -5...-11 градус, өдөртөө -2...+3 градус хүйтэн байна. 

Улаанбаатар хот

Хур тунадас: 24-нд цас орж, цасан шуурга шуурна.  

Салхи: Ихэнх хугацаанд секундэд 5-10 метр, 24-нд баруун өмнөөс хойш эргэж секундэд 12-14 метр хүрч ширүүснэ.   

Агаарын температур: Шөнөдөө Яармаг-Сонгины орчмоор -9...-14 градус, бусад хэсгээр -5...-10 градус, өдөртөө бүх хэсгээр -2...+3 градус хүйтэн байна.