WBO: Иман Хелифийн алтан медалийг хураагаагүй
Дэлхийн Боксын Холбоо (WBO)-ноос олимпын аварга, алжир боксчин Иман Хелифийн медалийг хураасан гэх мэдээллийг няцаажээ.
Хүйсний асуудлаар маргаантай буй И.Хелифийн олимпын алтан медалийг нь хурааж, бүх насаар нь тэмцээнд оролцохыг хориглосон гэж цахим орчинд мэдээлэл тархсан. Тэгвэл WBO-гийн хуулийн зөвлөх Густаво Оливьери энэ мэдээллийг "худал, хуурмаг" гэдгийг тодотгоод "Хуурамч мэдээлэл нь өөр санаа агуулсан байх магадлалтай" гэж онцолсон юм.
Түүнчлэн холбооны зүгээс Хелифтэй ямар нэгэн байдлаар холбоо тогтоогоогүй, шалгаагүй гэв.
WBO мэргэжлийн боксын холбоо. Харин Хелиф сонирхогчдын бокст өрсөлддөг тамирчин. Тиймээс түүний медалийг хүчингүй болгох мөн тэмцээнээс хасах эрх мэдэлгүй гэдгийг Г.Оливьери мэдэгджээ.
Хелиф олимпод түрүүлснийхээ дараа "IBA намайг байгаа болгосон явдлыг огт ойлгодоггүй. Би бол эмэгтэй хүн. Үүнд эргэлзэхгүй хэрэггүй" гэж ярьж байв.
Түүнчлэн өөрийнх нь талаар буруу ойлголт тараасан тэрбумтан Элон Маск, улс төрч Дональд Трамп, зохиолч Ж.К.Роулин нарыг шүүхэд өгснөө мэдэгдсэн билээ.
Эх сурвалж: Inside The Games
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
