И-Март дэлгүүрийн уулзвараас Ривер Гарден хотхон хүртэлх замын хөдөлгөөнийг өнөөдөр нээв
Хан-Уул дүүргийн нутаг дэвсгэр, "И-март" дэлгүүрийн уулзвараас "Ривер Гарден" хотхон хүртэлх авто замын хөдөлгөөнийг өнөөдөр нээжээ. Тус замыг энэ сарын 22-ноос засаж эхлээд байв.
Зорчих хөдөлгөөнийг хаасан хугацаанд инженерийн шугам сүлжээний худгийн тагийг асфальт бетон хучилтын түвшинд тааруулах, хашлага солих зэрэг ажлыг гүйцэтгэжээ.
Өнөөдрийн байдлаар уг байршилд Тэмээтэй хөшөөнөөс зүүн тийш И-Март дэлгүүрийн уулзвар хүртэлх замын зорчих хэсгийг нэг, нэг урсгалаар нь хэсэгчлэн хааж, асфальтбетон хучилтыг хийж байгаа бөгөөд есдүгээр сарын 29-нд дуусна гэж Нийслэлийн Замын Хөгжлийн Газраас мэдээлээд байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
