Снукер бильярдын зургаан улаантай ДАШТ-ий хасагдах шатанд Монголын дөрвөн тамирчин шалгарчээ
Снукер бильярдын зургаан улаантай Дэлхийн Аварга Шалгаруулах Тэмцээн (ДАШТ) энэ сарын 21-нээс 25-ныг дуустал Монголд болж буй билээ.
Энэ удаагийн тэмцээний эрэгтэйчүүдийн ангилалд БНХАУ, Кипр, Герман, Хонконг, Энэтхэг, Иран, Ирак, Израил, Япон, Оман, Пакистан, Польш, Катар, Сингапур, Монголын 40 тамирчин хүч сорьж буй.
Манай улсаас эрэгтэй 10 тамирчин өрсөлдөж байна. Тэднээс хэсгийн шатанд Т.Лхагвасүрэн, Б.Батсүх, Э.Тэмүүжин нар хасагдах шатанд шалгарчээ.
Эмэгтэйчүүдийн ангилалд БНХАУ, Герман, Хонконг, Энэтхэг, Польш, Монголын 25 тамирчин өрсөлдөхөөр бүртгүүлжээ. Манай улсаас Б.Нарантуяа тэргүүтэй зургаан тамирчин өрсөлдсөнөөс Б.Нарантуяа хэсгийн шатанд хоёр хожсон үзүүлэлтээр хасагдах шатанд өрсөлдөх эрхээ авсан юм.
Б.Нарантуяа хасагдах шатанд Энэтхэгийн Анупама Рамачандраныг ялбал шөвгийн наймд Энэтхэгийн Видья Пиллайтай өрсөлдөнө.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
