Хан-Уул дүүрэгт баригдаж буй барилгын гадна фасад болон гараашны дээвэр шатаж байсныг бүрэн унтраажээ
16:24 2024/08/23
Хан-Уул дүүргийн 22 дугаар хороонд байрлах баригдаж байгаа барилгын гадна фасад болон гараашны дээврийн хэсэг шатаж байсныг Хан-Уул дүүргийн Онцгой байдлын хэлтсийн Гал түймэр унтраах аврах 14 дүгээр анги, нэмэлтээр Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн 1, 2 дугаар тасгийн алба хаагчид шуурхай ажиллаж гал түймрийн тархалтыг 15:50 цагт зогсоож, 16:07 цагт бүрэн унтраалаа гэж Нийслэлийн Онцгой Байдлын Газраас/НОБГ/ мэдээллээ.
16:03 2024/08/23
Нийслэлийн хэмжээнд өнөөдөр томоохон гал түймэр гарсан байна.
Энэ талаар ОБЕГ-аас "Хан-Уул дүүргийн 22 дугаар хороо Зайсан дахь "Шамбала" хотхонд барилгын гадна талын фасад шатаж байна гэсэн дуудлага өнөөдөр 15:31 цагт ирсэн.
Дуудлагын дагуу Чингэлтэй дүүргийн Гал түймэр унтраах, аврах 10 дугаар анги, Хан-Уул дүүргийн Гал түймэр унтраах, аврах 14 дүгээр ангийн алба хаагчид ажиллаж байна" гэж мэдээллээ.
Нийслэлийн Онцгой Байдлын Газар: Барилгын гадна фасад болон гараашны дээврийн хэсэг шатаж байсан. Нэмэлтээр 15:37 цагт Чингэлтэй дүүргийн Онцгой байдлын хэлтсийн Гал түймэр унтраах,аврах 10 дугаар ангийн 1, 2 дугаар тасаг, авто механик шаттайгаар ажиллаж байна.
Гал түймрийн тархалтыг 15:50 цагт зогсоосон, бүрэн унтраана.
16:24 2024/08/23
Хан-Уул дүүргийн 22 дугаар хороонд байрлах баригдаж байгаа барилгын гадна фасад болон гараашны дээврийн хэсэг шатаж байсныг Хан-Уул дүүргийн Онцгой байдлын хэлтсийн Гал түймэр унтраах аврах 14 дүгээр анги, нэмэлтээр Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн 1, 2 дугаар тасгийн алба хаагчид шуурхай ажиллаж гал түймрийн тархалтыг 15:50 цагт зогсоож, 16:07 цагт бүрэн унтраалаа гэж Нийслэлийн Онцгой Байдлын Газраас/НОБГ/ мэдээллээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
