Цагаан ордонд болох UFC-гийн тулааны бэлтгэл ажил хангагджээ
Орон нутгийн цагаар энэ сарын 14-ний Ням гарагт АНУ-ын тусгаар тогтнолоо зарласны 250 жилийн ойд зориулсан холимог тулааны тэмцээн Цагаан ордонд болох юм.
АНУ-ын Ерөнхийлөгч Трампын 80 насны ой мөн энэ өдөр тохионо.
Тэгвэл ордны гадаа зүлгэнд өнгөрсөн тавдугаар сараас хойш барилгын ажил эхлүүлсэн бөгөөд тулаан зохион байгуулахад бэлэн болсныг албаныхан зарлажээ.
30 метрийн өндөртэй тайз, гэрэлтүүлгээр чимсэн "USA FREEDOM 250" тулааныг 5,000 үзэгч шууд үзэх боломжтой юм.
Трамп анх 25,000 хүний суудалтай байхаар төлөвлөсөн гэж мэдэгдсэн боловч аюулгүй байдлын үүднээс 5,000 болгожээ.
Энэ өдөр UFC-гийн 14 тулаанч оролцсон тэмцээн болох юм. Гол тулаанаар гүрж гаралтай испани эр Илья Топуриа, АНУ-ын Жастин Гетжи нар өрсөлдөнө.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
