САЙН МЭДЭЭ: Мал сүргийн тоо 10.2 хувиар өсчээ
Мал тооллогын урьдчилсан дүнгээр 2013 оны эцэст манай улсын мал сүргийн тоо 45,075.7 мянган толгойд хүрч, 2012 оноос 10.2 хувь буюу 4154.8 мянгаар өсчээ. Урьдчилсан дүнгээр:
- Адуу: 2616.2 мянга
- Үхэр: 2905.3 мянга
- Тэмээ: 321.0 мянга
- Хонь: 20036.6 мянга
- Ямаа 19196.7 мянгад хүрчээ.
Энэ нь 2012 оноос,
- Адуу: 285.8 мянга
- Үхэр: 320.7 мянга
- Тэмээ: 15.2 мянга
- Хонь: 1895.2 мянга
- Ямаа: 1638.0 мянган толгойгоор өссөн байна.
Нийт мал сүргийн дотор,
- Адуу 5.8 хувь
- Үхэр 6.4 хувь
- Тэмээ 0.7 хувь
- Хонь 44.5 хувь
- Ямаа 42.6 хувийг эзэлж, өмнөх оныхоос ямааны эзлэх хувь 0.3 пунктээр буурч, адуу, үхэр, хониных тус бүр 0.1 пунктээр өсч, тэмээний эзлэх хувьд өөрчлөлт ороогүй байна.
Урьдчилсан дүнгээр малын тоо Орхон аймагт 5.6 мянган толгойгоор буурч, бусад аймагт 7.5-510.7 мянган толгойгоор өсчээ. Өвөрхангай, Архангай, Баянхонгор, Төв, Говь-Алтай, Дундговь, Хэнтий, Завхан, Өмнөговь, Сүхбаатар, Ховд, Увс, Дорноговь, Баян-Өлгий, Булган аймагт малын тоо хамгийн олон буюу 171.9-510.7 мянгаар өссөн байна.
Архангай, Баянхонгор, Булган, Говь-Алтай, Дорноговь, Дундговь, Өвөрхангай, Өмнөговь, Төв, Увс, Ховд, Говьсүмбэр зэрэг 12 аймаг малаа таван төрөлд жигдхэн өсгөжээ.
Адууны тоогоор эхний тавд орсон аймаг:
- Төв (283.5 мянга)
- Архангай (268.1 мянга)
- Булган (225.5 мянга)
- Өвөрхангай (205.8 мянга)
- Сүхбаатар (203.1 мянга)
Үхрийнхээ тоогоор эхний тавд орсон аймаг:
- Архангай (427.0 мянга)
- Хөвсгөл (317.0 мянга)
- Төв (239.3 мянга)
- Булган (220.6 мянга)
- Хэнтий (207.2 мянга)
Тэмээний тоогоор эхний тавд орсон аймаг:
- Өмнөговь (103.1 мянга)
- Баянхонгор (37.2 мянга)
- Дорноговь (32.8 мянга)
- Говь-Алтай (30.4 мянга)
- Дундговь (24.6 мянга)
Хонины тоогоор эхний тавд орсон аймаг:
- Архангай (1943.9 мянга)
- Төв (1815.9 мянга)
- Хөвсгөл (1723.1 мянга)
- Өвөрхангай (1538.9 мянга)
- Булган (1444.8 мянга)
Ямааны тоогоор эхний тавд орсон аймаг:
- Баянхонгор (1860.6 мянга)
- Өвөрхангай (1572.1 мянга)
- Говь-Алтай (1407.7 мянга)
- Хөвсгөл (1402.2 мянга)
- Төв (1231.3 мянга)
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
