"СҮҮ" ХК маргааш 10,000 хүүхдэд сүүн зайрмаг бэлэглэнэ

Жил бүрийн зургаадугаар сарын 01-ний өдөр буюу Дэлхийн сүүний өдөр, Олон Улсын хүүхдийн эрхийг хамгаалах өдрийг тохиолдуулан “Сүү” Хувьцаат Компани болон сүү бэлтгэн нийлүүлэгч малчид, фермерүүд хамтран хүүхэд багачууддаа зайрмаг бэлэглэдэг уламжлалтай. Тодруулбал, тус компани малчид, фермерүүдийн хандивласан сүүгээр зайрмаг үйлдвэрлэн хүүхдүүддээ бэлэглэдэг билээ.

Энэ жилийн хувьд “Сүү” Хувьцаат Компани нь хүүхэд багачуудын сүү, сүүн бүтээгдэхүүнийг хэрэглээг нэмэгдүүлэх зорилгоор нийт 10 мянган хүүхдэд сүүн зайрмаг бэлэглэх өдөрлөгийг зохион байгуулах гэж байна. Тус өдөрлөг нь М-Мартын ДАРААХ салбар дэлгүүрүүдэд маргааш буюу зургаадугаар сарын 1-ний өдөр зохион байгуулагдах бөгөөд 12:00-15:00 цагийн хооронд үргэлжлэх юм. 

• М-Март 21-р хороолол
• М-Март Цамбагарав
• М-Март Elegance
• М-Март Вилла
• М-Март Багшийн дээд
• М-Март Berlin Express
• М-Март Амгалан
• М-Март Нарны хороолол
• М-Март Хан-Уул
• М-Март Шинэ яармаг хороолол

Түүнчлэн тус өдөр “Сүү” Хувьцаат Компани нь СХД-ийн тусгай хэрэгцээт хүүхдүүдэд болон Зэвсэгт хүчин анги нэгтгэл, Цагдаагийн байгууллагын алба хаагчдын хүүхдүүдэд зайрмаг бэлэглэх аж.