ЧАНАР 186
ЧАНАР 329
ЧАНАР 315
ЧАНАР
ЧАНАР 191
ЧАНАР 239
ЧАНАР 68
ЧАНАР 48
ЧАНАР 140
ЧАНАР 125
ЧАНАР 252
ЧАНАР 456
ЧАНАР 284
ЧАНАР 271
ЧАНАР 70
ЧАНАР 133
ЧАНАР 364
ЧАНАР 108
ЧАНАР 194
Солонгосын Чонжү хотын барилгын материал нийлүүлэгчид Монголд бүтээгдэхүүнээ танилцуулах бизнес уулзалт болж байна
"КОТРА Улаанбаатар" агентлаг Солонгосын Чонжү хотын барилгын материал үйлдвэрлэлийн тэргүүлэгч арав компанийн бараа бүтээгдэхүүнийг Монголд танилцуулах бизнес уулзалтыг "Holidayinn" зочид буудлын хоёр давхарт өнөөдөр зохион байгуулж байна.
1962 онд КОТРА байгуулагдсан бөгөөд 2013 онд Монгол Улсад албан ёсоор үйл ажиллагаагаа явуулж эхэлжээ. Энэ хүрээнд хоёр улсын эдийн засаг, бизнес, эрүүл мэндийн хамтын ажиллагааг өргөжүүлэх чиглэлээр олон ажлыг санаачлан хэрэгжүүлсэн юм.
Энэ удаагийн бизнес уулзалтад Солонгосын Чонжү хотын барилгын материал үйлдвэрлэгч, нийлүүлэгч арав гаруй компани бүтээгдэхүүн үйлчилгээгээ танилцуулж байна. Бизнес уулзалтад оролцож буй компаниуд өөрсдийн арга туршлага, Солонгос улсад нэвтэрч буй шинэ техник технологитой танилцлаа.
"Монголын компаниуд чанарыг илүүд үздэг болсон учир Солонгосын барилгын материалыг сонирхох болсон"
"КОТРА Улаанбаатар" агентлагийн гүйцэтгэх захирал "Хун Сон Ү" уг уулзалтын онцлог болон байгууллагынхаа талаар мэдээлэл өглөө.
Тэрбээр "Сүүлийн хэдэн жил цар тахлаас болж дэлхий даяар хэцүү байлаа. Энэ жилээс Солонгосын барилгын материалын тэргүүлэгч компаниудыг урьж оролцуулж буйгаараа онцлог. Мөн байгаль орчинд ээлтэй бүтээгдэхүүн үйлдвэрлэгч эко компаниуд чанартай бүтээгдэхүүн үйлчилгээгээ Монголд танилцуулж байна.
Хэрэглэгчид үнэ гэхээс илүүтэйгээр чанарт анхаардаг болсон. Солонгосын бараа бүтээгдэхүүн нь илүү чанартай, байгаль орчинд ээлтэй байдаг.
Жишээлбэл, Сургууль цэцэрлэгт хэрэглэдэг будаг нь хүүхдийн эрүүл мэндэд хортой хэмээн яригдаж байгаа. Тиймээс Солонгосын будаг нийлүүлэгч компаниуд нь эрүүл мэндэд ээлтэй бүтээгдэхүүн нийлүүлж буйгаараа чухал юм.
Манайх Солонгосын Засгийн газрын харьяа байгууллага учраас зөвхөн барилга хэмээн салбар харгалзахгүйгээр бизнес эрхлэгчдийг жуучилж өгдөг. Тиймээс Монголд бараа бүтээгдэхүүнээ импортлох, сурталчлах сонирхолтой компани байвал борлуулагч олох, холбож өгөх бүрэн боломжтой" хэмээн ярилаа.
Солонгосын Чонжү хотын барилгын материал үйлдвэрлэлийн салбарт тэргүүлэгч компаниуд бараа бүтээгдэхүүнээ Монголд танилцуулж байна
1. "JEONGSEOK" компани нь хүний биед сөрөг нөлөөгүй эко будаг үйлдвэрлэдэг. Ус нэвтэрдэггүй дээврийн, үйлдвэрийн болон замын шугамын будгийг танилцуулж байна.
2. "IN ECO Inc" компани нь эрүүл мэндэд ашиг тустай өрөөний хавтан үйлдвэрлэдэг. Япон, Герман, Америк руу бүтээгдэхүүнээ гаргадаг аж. Ямар ч өрөөнд тухайн хавтанг хийх боломжтой бөгөөд ус цацвал шингээж авдаг, ямар нэгэн шавж үүрлүүлдэггүй, хөөдгөөрөө онцлог юм.
3. "PITCHCABLE" компани нь шалны халаалтын бүтээгдэхүүнийг танилцуулж байна. Тус бүтээгдэхүүн нь энгийн шалны халаалтыг бодвол байгальд ээлтэй карбон утастай гэдгээрээ онцлог.
4. "UNIONCT" компани нь шалны халаалтын системийг ямар нэгэн соронзон орон байхгүйгээр хүний биед сөрөг нөлөөгүй, тогийн хэмнэлттэй, дулаан алдалтгүй бүтээгдэхүүн үйлдвэрлэдэг юм.
5. Y&K компани нь Солонгосын яамны жижиг дунд үйлдвэрлэлийн гарааны бизнесийн шалгаруулалтаас дэмжигдсэн. 100 хувь галд тэсвэртэй шатдаггүй, цахилгаан дамжуулалтыг тусгаарлах чадвартай будаг үйлдвэрлэдэг.
Тус будгийг автомашин үйлдвэрлэл болон барилгын салбарт ашиглах боломжтой бөгөөд барилгын гадна, дотор засварт ашигладаг.
6. "USECHEM" компани нь хүүхдийн тоглоом хийхэд шаардагдах зөөлрүүлсэн материал болон газрын тэмдэглэгээний ус нэвтрүүлдэггүй будаг үйлдвэрлэдэг.
7. "CLEAR CHANG INC" компани нь агаарын бохирдол, тоосжилтын эсрэг яаж тэмцэх вэ хэмээн эхэлсэн. Монголд агаарын бохирдол, тоосжилт их байдаг учир тоосжилтыг шүүх зориулалттай бүтээгдэхүүн үйлдвэрлэдэг.
8. "M&J industries inc" компани нь хөнгөн цагаан, төмөрлөгтэй холбоотой бүх төрлийн бүтээгдэхүүн үйлдвэрлэдэг. Захиалагчийн хүссэн хэмжээ загвараар хөнгөн цагаан, төмөрлөгийн бүтээгдэхүүн үйлдвэрлэж нийлүүлдгээрээ онцлог юм.
9. "The Deum" компани нь байгаль орчинд ээлтэй, хүний үед сөрөг нөлөөгүй халдаг шал үйлдвэрлэдэг.
10. "On U" кампани нь хүний биед сөрөг нөлөөгүй, эко халдаг матраас үйлдвэрлэдэг юм.
Энэхүү бизнес уулзалтад шинэ үеийн дэвшилтэт технологийг нэвтрүүлсэн чанартай бүтээгдэхүүнүүд танилцуулагдсан бөгөөд Монголын компаниуд Солонгос барилгын материалын чанарыг илүүд үзэж буйг зохион байгуулагчдын зүгээс дурдаж байлаа. Мөн тус уулзалтыг БНСУ-аас Монголд суух элчин сайд Ким Жун Гү өөрийн биеэр ирж сонирхсон юм.
Хаяг: Улаанбаатар, Хан-Уул дүүрэг, 15 дугаар хороо, Махатма Ганди гудамж, Хаан тауэр 23 дугаар давхарт
Холбоо барих: 77110140
Facebook: www.facebook.com/ulaanbaatar.kotra
ФОТО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
