Хөгжлийн Банканд холбогдох хэргийн шүүхийн урьдчилсан хэлэлцүүлэг түр завсарлав
Хөгжлийн Банканд холбогдох хэргийн шүүхийн урьдчилсан хэлэлцүүлэг 13:30 цаг хүртэл завсарлалаа.
Тодруулбал, 14 өмгөөлөгч Эрүүгийн хэрэг хянан шийдвэрлэх тухай хуульд заасан үндэслэлээр татгалзал гаргаж, гарын үсэг зурсан байна.
Урьдчилсан хэлэлцүүлгийн эхэнд дөрвөн өмгөөлөгчөөс хуралдааныг хойшлуулах хүсэлт ирсэн талаар хуралдаан даргалагч Сүхбаатар дүүргийн шүүгч Ж.Болдбаатар хэллээ.
Гэтэл зарим өмгөөлөгч “Яллагдагчийн эрх эрхийг хангахгүй байна, өмгөөлөгчид эрх тэгш хуралд оролцох ёстой, ширээ сандлын хүрэлцээ муу, танхим хүйтэн” гэдэг шалтгаанаар хуралдаан хойшлуулах хүсэлт гаргаж, түр завсарлаад байна.
Өнөөдрийн хэлэлцүүлэгт нийт 98 оролцогч, 15 хэвлэл мэдээллийн байгууллагын сэтгүүлч нар ажиглагчаар оролцож эхэлсэн юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
