₮3.9 тэрбумаар уулын зам дагуу 1.5 км явган хүний болон дугуйн зам барихаас 560 метрийг нь хучжээ
Хан-Уул дүүргийн 11 дүгээр хороо, уулын зам дагуу нийслэлийн төсвийн хөрөнгөөр явган хүний болон дугуйн замыг барьж буй.
Уг ажлын явцын талаар Нийслэлийн Замын Хөгжлийн Газраас "Уулын зам дагуух явган хүний болон дугуйн замын урт 1.5 км, зорчих хэсгийн өргөн 3.5м, авто зам болон явган хүний замын эгнээг тусгаарлах тоног хайс, иж бүрэн гэрэлтүүлэгтэй хийгдэхээр төлөвлөгдсөн.
Тендерт "ЗГБ холдинг" ХХК шалгарч, гэрээ байгуулан далан, суурь байгуулах, явган хүний болон дугуйн замын хашлага суурилуулах, гэрэлтүүлгийн суурь цутгах, цахилгааны кабель татах, туузан хайс суурилуулах, хана цутгах ажлуудыг гүйцэтгэж байгаа юм.
Өнөөдрийн байдлаар 560 метр замын хучилтын ажлыг дуусгаад байна" хэмээн мэдээллээ.
Уулын зам дагуу 1.5 км явган хүний болон дугуйн замыг энэ онд барьж дуусгахаар төлөвлөсөн бол нийслэлийн төсвөөс зарцуулах төсөвт өртөг ₮3.9 тэрбум байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
