АЙЧИ НАГОЯ 2026: Л.Туруунаа АЛТ, Д.Ганбат, Э.Даваадагва нар ХҮРЛИЙН төлөө хүч үзнэ
Японд үргэлжилж байгаа пара наадмын жүдогийн төрөл хоёр дахь өдрөө үргэлжилж байна.
Эмэгтэйчүүдийн J1 ангиллын 70 кг-ын жинд Лхайжавын Туруунаа шөвгийн наймд Индонезийн Шимашиг цэвэр ялаад хагас шигшээд БНХАУ-ын Ван Вэн Жинийг вазари үнэлгээгээр илүүрхсэн юм.
Тэрбээр алтан медалийн төлөө Нишимүра Ацүмитай хүч үзэхээр болжээ.
Харин эрэгтэйчүүдийн J2 ангилалд Энхтуяагийн Даваадагва эхний тойрогт БНСУ-ын Ким Дон Хонд ялагдсан. Улмаар дагах тойрогт Узбекистаны Тиллакузи Каримжоновыг цэвэр ялснаар хүрлийн төлөө Узбекистаны Отабек Ирисбековтой өрсөлдөнө.
Эрэгтэйчүүдийн J1 ангиллын -95 кг-ын жинд Дашцэрэнгийн Ганбат шөвгийн 16-д Узбекистаны Мухаммад Абдуколовт ялагдсан. Ингээд дагах тойрогт Казахстаны Абылай Адилбековыг цэвэр ялж, Японы Мацүмото Томоказүг вазари үнэлгээгээр ялснаар хүрлийн төлөө Индонезийн Фажар Памбүдитай өрсөлдөхөөр болжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
