"SNOW MELODY 2023" шинэ жилийн баярын тоглолт энэ сарын 24-нд болно

Хөгжмийн урлагт дурлагч үзэгчдийн хувьд арванхоёрдугаар сарыг SNOW MELODY тоглолтгүйгээр төсөөлөхгүй биз ээ. Улсын Филармонийн авьяаслаг уран бүтээлчид "SNOW MELODY 2023" тоглолтоо энэ сарын 24-ний үдэш 18:00 цагт Соёлын төв өргөөний тайзнаа үзэгчдэдээ хүргэхээр бэлтгэл ажилдаа оржээ. 

Тоглолтод Улсын Филармонийн Симфони найрал хөгжим, ТШ Баянмонгол чуулга, гоцлол дуучин Н.Наранбатар /СТА/, Ц.Хулан /СТА/, Б.Дэлгэрбаяр /СТА/, Л.Насанбуян/СТА/, Д.Дүйнхэржав/СТА/ болон зочин уран бүтээлчид оролцоно.

Шинэ жилийн баярын уур амьсгалыг суут хөгжмийн зохиолч П.И.Чайковский, И.Штраус, зэрэг зохиолчдын гайхамшигт хөгжим, аялгуу эгшиглэх Монгол Улсын Филармонийн 2022 оны сүүлчийн тоглолт SNOW MELODY тоглолтод үзэгч та бүхнийг хүрэлцэх ирэхийг урьж байна.

Тасалбарыг  "Snow Melody 2023" Шинэ жилийн баярын концерт - Цахим тасалбарыг Ticket.mn-с болон Улсын Филармонийн билетийн кассаар худалдан авах боломжтой.

Дэлгэрэнгүй мэдээллийг 70118012, 80057575 дугаараас лавлана уу.