2020/06/04
Америк доллар
МОНГОЛ БАНК:
2,807.59₮
B30
УЛААНБААТАР
23°
|
B30
УЛААНБААТАР
26°
|
11°
B30
УЛААНБААТАР
27°
|
14°
22:00
S26
15°
23:00
S26
13°
00:00
S26
12°
01:00
S26
11°
02:00
S26
10°
03:00
S29
04:00
S29
05:00
S31
06:00
S32
07:00
S30
10°
08:00
S30
13°
09:00
S30
15°
Энэ мэдээ хуучирсан буюу 2020/04/02 -нд нийтлэгдсэн мэдээ болно.

Европын орнуудаас ОХУ-аар дамжин импортлогдож буй бараа, бүтээгдэхүүнээс сэжигтэй зүйл илрээгүй

Д.Тэмүүлэн, ikon.mn
2020 оны 4 сарын 2
iKon.MN
Зураг
Гэрэл зургийн эх сурвалж: НМХГ

Гүний гаалийн хяналтын бүсүүдэд гуравдугаар сарын 19-өөс эхлэн 202 ачааны автомашиныг холбогдох албаныхан өндөржүүлсэн бэлэн байдалд хүлээн авч, тээвэрлэн ирсэн 5.7 сая ширхэг, 2.8 мянган тонн хүнсний бүтээгдэхүүний чанар, аюулгүй байдлыг шалгажээ.

Мөн автомашины 217 жолоочийн 73 нь гадаад, 144 нь монгол жолооч нар байсан бөгөөд тэднээс эрүүл мэндийн асуумж авч, биеийн халууныг үзэж, өвчний сэжигтэй тохиолдол илэрвэл ХӨСҮТ-д шилжүүлэх бэлэн байдлыг хангаж ажилласан байна.

Түүнээс Монголын 63 жолоочийг “Асралт мед”, “Наранбулаг”, “Энхсаран”, “Ар гүнт”, “Ивээлэн”, “Амуре зочид буудал”, “Сэлбэ ресорт”-д хүргүүлж тусгаарласан бол гадаадын жолооч нарыг машины кабинд нь тусгаарлаж, буулгахгүйгээр эх оронд нь буцааж буй аж.

Хяналт шалгалт, тандалт судалгааны явцад жолооч нарт сэжигтэй тохиолдол илрээгүй байна. Мөн тээврийн хэрэгслийг ариутган халдваргүйжүүлж, ачааг өндөр хяналт шалгалтын дор дээж авч, гаалийн баталгаат агуулахад битүүмжилжээ.

Гэрэл зургийг НМХГ

Улсын Мал Эмнэлэг Ариун Цэврийн Төв лабораторид 31 ААН-ийн гахайн мах, өөх, тахианы мах, өндөг, малын сүү зэрэг 32 нэр төрлийн бүтээгдэхүүн, ХАБҮЛ лабораторид боловсруулсан хүнс, жимс, хүнсний ногоо, булцуу, хүнсний нэмэлт, сав баглаа боодол, цагаан будаа, шар айраг, иогурт зэрэг 36 ААН-ийн 88 нэр төрлийн хүнсний түүхий эд, бүтээгдэхүүнээс дээж авч, лабораторид хүргүүлэхэд дээжнээс эерэг сорьц илрээгүй гэж нийслэлийн Мэргэжлийн хяналтын газраас мэдээллээ.

УОК-оос гаргасан болзошгүй гамшгийн үед хариу арга хэмжээ авах бэлэн байдлын төлөвлөгөөний дагуу Интердесижн, Ти Ай Ложистик, Монгол транс дахь гүний гаалийн хяналтын бүсүүдэд Европын орнуудаас ОХУ-ын нутаг дэвсгэрээр дамжиж Алтанбулаг боомтоор импортлогдож буй ачаа, бүх төрлийн бараа бүтээгдэхүүн, тээврийн хэрэгсэл, жолооч нарыг цагдаагийн хамгаалалт доор хүлээж авах, халдваргүйжүүлэх, тусгаарлах, сэжигтэй тохиолдлыг илрүүлэх тусгай үйл ажиллагаа явуулж буй.

Энэ үйл ажиллагааг НМХГ-ын Экспорт импорт, Хилийн хорио цээрийн хяналтын хэлтсийн байцаагчид болон ХӨСҮТ, ЗӨСҮТ, Улаанбаатар хот дахь Гаалийн газар, Цагдаагийн газартай хамтран гүйцэтгэж байгаа юм.

 

Эх сурвалж: НМХГ




2020 оны УИХ-ын сонгуультай холбоотой нэгдсэн мэдээ, мэдээллийг та манай “Сонгууль 2020” хуудаснаас аваарай!

x