Herbalife Nutrition компани болон Бие Даасан Гишүүдийн зүгээс ЭМЯ-нд хандив өргөлөө
Улс даяар өрнөж буй корона вирусийн халдвараас урьдчилан сэргийлэх үйл ажиллагаанд зориулан Herbalife Nutrition компанийн TAB Team шатлалын гишүүд сэтгэлийн хандив аян өрнүүлснийг тус компани мөн дэмжиж хамтдаа нийт 51 сая 700 мянган төгрөгийн хандив цуглуулсан байна.
Тус хандивыг 2020 оны гуравдугаар сарын 02-ны өдөр Herbalife Nutrition компанийн Монгол улс дахь суурин төлөөлөгч Г.Дэнзэн эмнэлгийн ажилтны хамгаалалтын хувцас, хэрэгсэл, оношлуур зэргийг худалдан авахад зориулан Монгол улсын Эрүүл мэндийн яаманд хүлээлгэн өглөө.
Ноён Г.Дэнзэн корона вирусээс сэргийлэх үйл ажиллагааг амжилттай зохион байгуулж буй Эрүүл мэндийн яаманд талархал илэрхийлэн амжилт хүслээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
