ТОП-100 аж ахуйн нэгжийн нэгээр АПУ компанийн бүрэлдэхүүн АПУ Дэйри ХХК анх удаа шалгарлаа

Монгол Улсын засгийн газар, Монголын үндэсний худалдаа аж үйлдвэрийн танхим хамтран 24 дэх жилдээ ТОП 100 аж ахуй нэгжийг шалгаруулж байна. АПУ групп компанийн ҮРГЭЛЖ ӨӨДӨӨ тэмүүлсэн 100 жилийн ойгоор АПУ ХК, АПУ Дэйри ХХК, АПУ Трейдинг, СББ ХХК Монгол улсын ТОП 100 аж ахуйн нэгжээр шалгарлаа. Ийнхүү АПУ компани 20 дахь жилдээ дараалан ТОП 100 аж ахуйн нэгжээр шалгарч байна.

Уламжлал болон инновацыг хослуулан үйлдвэрлэж, сүүн бүтээгдэхүүнийг өдөр тутмын хэрэглээнд өргөнөөр нэвтрүүлж, эрүүл хүнсийг хэрэглэгчийн гарт хүргэхийг зорин ажиллаж буй АПУ Дэйри монгол сүүний үйлдвэр нь 2017 онд бие даасан аж ахуй нэгж болсноос хойш анх удаа ТОП 100 аж ахуй нэгжийн нэгээр шалгарч буй нь энэ жилийн онцлох үйл явдал болж байна.

Энэ жил “АПУ Дэйри” Монгол сүүний үйлдвэр нь “Монгол Сарлаг”  гэр үйлдвэрлэлийн төслийн хүрээнд сарлагийн сүүгээр хийсэн уламжлалт сүү цагаан идээг эрүүл ахуй, чанарын шаардлага хангасан гэр үйлдвэрлэлийн стандартыг нэвтрүүлж MONT-YAK брэндийн бүтээгдэхүүнүүдийг үйлдвэрлэж эхэлсэн билээ.

 

 

Мөн үргэлж хамгийн чанартай, хамгийн сайн, хамгийн шинэ шар айраг хэрэглэхийг уриалдаг АПУ компани Нидерландын 150 жилийн түүхт Heineken шар айргийг эх орондоо үйлдвэрлэж Монголын хэрэглэгчдэд дэлхийд алдартай, премиум зэрэглэлийн шар айргийг үйлдвэрээс нь шууд авч, шинэхнээр нь хэрэглэх боломжийг олгоод байна.

Үүгээр зогсохгүй ирэх 100 жилдээ эх дэлхий болон Монгол Улсдаа ямар хөрөнгө оруулалт, үр нөлөө, үнэ цэнийг бүтээхээ зураглах хүрээнд бүхий л тогтвортой хөгжлийн ажил болон зорилтыг нэгтгэн системчилж, тогтвортой хөгжлийн стратегийн тэргүүлэх чиглэлүүдийг боловсруулсан.

 

 

Ийнхүү бид “Монгол бахархал-2030” тогтвортой хөгжлийн таван хана бүхий стратегиа баталж, түүхэн зуун жилийн ололт амжилт, туршлага дээрээ үндэслэн дараагийн шинэ зуундаа байгаль орчин, нийгэм эдийн засагтаа эерэг нөлөөгөө эрчимжүүлж, хүн төвт бодлого, харилцагч түншүүдийн хамтын хөгжил дэвшлийг эрхэмлэн ажиллахаар зорьж байна.

Бид цаашид шингэн хүнсний зах зээлд үргэлж шинийг эрэлхийлж, үргэлж хамгийн сайн чанарын бүтээгдэхүүнийг харилцагчаар дамжуулан хэрэглэгчийн гарт, өдөр тутмын хэрэглээнд тогтмол санал болгосоор байх болно.

ҮРГЭЛЖ ӨӨДӨӨ
АПУ КОМПАНИ