“Ахмад настны хөгжил, хамгааллын үндэсний хөтөлбөр”-ийг батлав

Гэрэл зургийг mpa.mn

Засгийн газрын хуралдаанаар “Ахмад настны хөгжил, хамгааллын үндэсний хөтөлбөр”-ийг баталлаа.

Хэрэгжүүлэх арга хэмжээг жил бүрийн Үндсэн чиглэлд тусгаж, шаардагдах хөрөнгийг улс, орон нутгийн төсөв, олон улсын байгууллага, гадаадын зээл, хандив, тусламжид хамруулан санхүүжүүлэхээр боллоо.

Хөтөлбөрийн хүрээнд:

• Ахмад настны аж байдлыг дээшлүүлж, ядуурлаас хамгаалах
• Эрүүл мэнд, эрүүл насжилтыг дэмжих, урт хугацааны тусламж үйлчилгээний тогтолцоо бүрдүүлэх
• Ахмад настны чадамжийг дэмжих
• Амьдрах орчин, нөхцөлийг нь сайжруулах чиглэлээр 62 арга хэмжээ хэрэгжүүлэх юм.

Манай улсын 60 ба түүнээс дээш настны нийт хүн амд эзлэх хувь 2015 онд 6.4 хувь байсан бол 2030 онд 11.9, 2050 онд 21.1 хувьтай тэнцэх магадлалтай байна.