Сонгуулийн мэтгэлцээнийг Ксения Собчак уйлсаар орхин гарчээ
ОХУ-ын ерөнхийлөгчийн сонгуульд өрсөлдөгчдийн ээлжит мэтгэлцээн өчигдөр болж өнгөрлөө.
Россия 1 сувгаар цацагдсан мэтгэлцээн сүүлдээ ширүүн маргаанаар өндөрлөж, ганц эмэгтэй нэр дэвшигч Ксения Собчак уйлсаар гарч явжээ.
Тэр өөрийн үг хэлэх 30 секундыг ашиглах гэсэн боловч бусад өрсөлдөгчид нь түүн рүү хэл амаар довтолж боломж олгоогүй байна.
Нэр дэвшигч Жириновский Ксенияг “Түүнийг цэцэрлэгт нь хүргэж, хөтөвчин дээр нь суулга” хэмээн орилж байв. Өмнөх мэтгэлцээн дээр Ксения түүний нүүр рүү ус цацаж байсан юм.
Эцэст нь Ксения “Энэ хүмүүс зөвхөн миний хэлэх үгийг тасалдуулж байна. Тэд өөр хэнийг ч ингээгүй. Жириновский над руу үргэлж муу үгээр дайрдаг. Түүний хэлсэн муухай үгнүүдийг танай суваг үргэлж дамжуулдаг” гэж хэлээд хоолой нь зангирч эхэлсэн юм. Харин Жириновский “Алив уйлаарай! Ээж чинь хүрээд ирнэ шүү” гэж үргэлжлүүлэн дайрсаар байв. Өөр нэг нэр дэвшигч Масксим Шевченко хажуунаас нь “Түүний нулимсанд битгий үнэмшээрэй” гэж үзэгчдэд хандан хэлжээ.
Энэ бүхнийг тэвчээгүй Ксения уйлсаар танхимыг орхин гарсан юм.
Реалити шоуны од бүсгүйг 71 настай Жириновский сонгуульд өрсөлдөх хүн биш гэж үзээд үргэлж хэл амаар доромжилж байгаа.
ОХУ-ын ерөнхийлөгчийн сонгуулийн санал хураалт ирэх Ням гарагт болох юм.
Эх сурвалж: Russia Today
