YouTube видеог татаж авдаг Google-ийн аппликэшн Монголд нээгдлээ
“YouTube Go” буюу YouTube сүлжээнээс видео дүрсийг гар утсан дээрээ татаж аваад сүлжээгүй орчинд үздэг аппликэшн дэлхийн 130 орны зах зээлд нээгдсэн байна. Үүн дотор Монголын зах зээл багтаж байгаа юм.
Зөвхөн Андроид системтэй гар утсанд зориулагдсан уг аппликэшнийг Google компани өөрөө гаргасан бөгөөд үүрэн холбооны сүлжээний чанар муу, өртөг өндөртэй улс орнуудын хэрэглэгчдэд зориулж гаргасан байдаг.
Өнгөрсөн онд анх Энэтхэгийн зах зээлд гарсан юм. Харин АНУ, Их Британи, Австрали зэрэг интернэтийн дэд бүтэц сайн хөгжсөн, иргэдийн худалдан авах чадвар өндөр зах зээлүүдэд гарах тухай төлөвлөгөө байхгүй байгаа гэнэ.
Хүмүүс YouTube-ээс хүссэн видеогоо Wi-Fi сүлжээгээр татаж авч, утсандаа эсвэл SD санах байгууламжинд хадгалаад үзэх боломжтой. Ингэхдээ ямар чанартайгаар татахаа зааж өгч болдог. Мөн ингэж авсан видеогоо Bluetooth, Wi-Fi Direct зэрэг аргаар бусадтай хуваалцаж болох юм байна.
Аппликэшнийг татах холбоос: YouTube Go
Эх сурвалж: TechRadar
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
16 СЭТГЭГДЭЛТЭЙ
|
