Саруул захад гал гарчээ
Худалдаа үйлчилгээний "Саруул" захын хоёрдугаар давхарт өнөөдөр үүрээр гал гарчээ. Хоёрдугаар давхарт гэр ахуйн барааны тасаг байрладаг байжээ.
Галын улмаас 2-3 тасгийн бараа шатсан байна. Галын шалтгаан нөхцөлийг тогтоохоор яг одоо гал унтраах албаныхан ажиллаж байна. Гал гарсан хоёрдугаар давхарт нийтдээ 16 лангуу худалдаа үйлчилгээ явуулж байжээ. Гал унтраах албанаас галын шалтгааныг бүрэн тодруултал тус зах түр хугацаагаар ажиллахгүй юм байна.
"Саруул" захад өмнө нь 2013 оны тавдугаар сарын 20-ны өдөр гал гарч улмаар таван сарын турш үйл ажиллагаагаа явуулж байгаагүй юм. Тухайн үед галын улмаас гарсан хохиролыг "Саруул" захын толгой компани болох "Монгол Глобал" компаниас нөхөн төлсөн байна.
"Саруул" захад гарсан галын талаарх мэдээллийг бид эргэн мэдээлэх болно.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
6 СЭТГЭГДЭЛТЭЙ
|
