Г.Буяндорж нарыг хорихоор болжээ
Ноёд группийн захирал Г.Буяндорж, н.Хурц, н.Баттулга нарын зургаан хүнд холбогдох хэргийн шүүх хурал өнөөдөр 08.30 цагт дүүргийн Эрүүгийн I шүүхэд эхэлсэн.
Шүүх хуралдааны үеэр шүүгдэгчдийн өмгөөлөгчид шүүх хуралдааныг хойшлуулах хүсэлт тавьсан бөгөөд тэдний хүсэлтийг хэлэлцэж, шүүх хуралдааныг энэ сарын 30-ныг хүртэл хойшлуулахаар болсон байна.
Түүнчлэн Г.Буяндорж нарын зургаан хүнийг цагдан хорих 461 дүгээр ангид хорихоор болжээ. Г.Буяндорж нарыг иргэн С.Билэгтэд зарсан “Ноёд констракшн” компаниа эргүүлэн авах гэж хуурамч бичиг баримт бүрдүүлсэн, шүүхээр хууль бус шийдвэр гаргуулсан. Бусдыг залилж 1,2 сая ам.долларын хохирол учруулсан.
Мөн бусдыг онц хүнд гэмт хэрэгт гүтгэсэн хэрэгт буруутгаж, эрүүгийн хуулийн 148.4 253.1, 111.2, 111.3 гэсэн зүйл ангиар яллах дүгнэлт үйлдээд байгаа юм.
Б.Гомбо
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
