Монголын хөлбөмбөгийн шигшээ баг Гуамыг зорих нь

Монголын хөлбөмбөгийн шигшээ баг Зүүн Азийн аварга шалгаруулах тэмцээний урьдчилсан шатанд тоглохоор энэ сарын 18-нд Гуамыг зорихоор болжээ.

Тэнд энэ сарын 21-нд Умард Марианы арлуудтай, 24-нд талбайн эзэн Гуамтай, 27-нд Макаогийн багтай тоглох юм. Эдгээр дөрвөн баг тойргоор тоглож ялсан баг нь Тайвань, Хонгконг, БНАСАУ-тай урьдчилсан тэмцээний хоёрдугаар шатанд тоглох эрхээ авах юм байна.

Манай шигшээ багийнхан тэмцээний өмнөх бэлтгэлдээ гарсан бөгөөд МҮОХ-ны байранд хийж байгаа аж.

Шигшээ багийн бүрэлдэхүүнд

• Хаалгачаар Б.Ариунболд /Эрчим/
   
• Хамгаалагчаар ОУХМ Б.Гарьдмагнай /Сэлэнгэ пресс/, Ц.Энхжаргал /Эрчим/, Б.Мөнгөнтулга /Сэлэнгэ пресс/, Д.Лүмбэнгарав /Хоромхон/, Г.Билгүүн /Эрчим/
   
• Хагас хамгаалагчаар А.Чинзориг, О.Баяржаргал /FC Улаанбаатар/, Д.Билэгт, М.Төгөлдөр /Эрчим/, П.Алтантулга /Улаанбаатарын унаганууд/, Х.Цэнд-Аюуш /Хоромхон/, А.Мөрөн /Краби Тайланд/, довтлогчоор С.Гал-Эрдэнэ /Эрчим/, Н.Наранболд, А.Цолмон /Хоромхон/ нар Зүүн Азийн аварга шалгаруулах тэмцээнд оролцох юм.