Чингисийн өргөн чөлөөний ус зайлуулах шугам угсралтын ажил наймдугаар сарын 10-нд дуусна гэж мэдээллээ
Хан-Уул дүүрэг, Чингисийн өргөн чөлөөний 2.8 километр ус зайлуулах шугам хоолойн ажил 80 хувьтай үргэлжилж байгаа бөгөөд угсралтыг Геодези усны барилга байгууламжийн газар гүйцэтгэж буй.
ГУББГ-ын дарга Б.Бямбасайханы мэдээлснээр энэхүү шугам хоолойн угсралтын ажилд 45 хүний бүрэлдэхүүнтэй баг 13 машин механизмтай, хоёр ээлжээр ажиллаж байгаа аж.
Ингэхдээ өдрийн цагаар шугамаа тавьж, шөнийн цагаар орц, гарцаа сэтэлж наймдугаар сарын 10-нд бүрэн гүйцэтгэж дуусахаар төлөвлөжээ.
Нийслэл хотод есдүгээр сарын нэгнээс хойш газар шорооны ажил хийхгүйг холбогдох албаны хүмүүс мэдээлэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
