1,000 орчим сурагч оролцсон химийн олон улсын 58 дугаар олимпиадаас Монгол Улсын баг дөрвөн медаль хүртлээ
Бүгд Найрамдах Узбекистан Улсын Ташкент хотноо 2026 оны долоодугаар сарын 10–19-ний өдрүүдэд зохион байгуулагдсан олон улсын химийн 58 дугаар олимпиад (IChO 2026)-д Монгол улсын баг амжилттай оролцож, хоёр мөнгөн, хоёр хүрэл медаль хүртлээ.
Тус олимпиадад 90 гаруй улсын 1,000 орчим оролцогч оюун ухаанаа сорин өрсөлдлөө.
ОУ-ын химийн олимпиад нь 2 үе шаттай явагддаг.
- Онолын хэсэг - 9 бодлого /5 цаг/
- Туршилтын хэсэг - 3 даалгавар /5 цаг/
Оролцогчид 9 бодлого, 3 даалгаврыг 10 цагийн турш гүйцэтгэж, шинжлэх ухааны мэдлэг, бүтээлч сэтгэлгээ, оюун ухаанаа сорин өрсөлддөг.
МӨНГӨН МЕДАЛЬ
- Б.Мэндбаяр – Шинэ Монгол сургуулийн 12 дугаар ангийн сурагч
- М.Одгэрэл – Бага Тэнгэр сургуулийн 12 дугаар ангийн сурагч
ХҮРЭЛ МЕДАЛЬ
- Н.Ариунгоо – Шинэ Монгол сургуулийн 11 дүгээр ангийн сурагч
- Б.Мөнх-Энэрэл – Сант сургуулийн 11 дүгээр ангийн сурагч
Эх сурвалж: Нийслэлийн Боловсролын Газар
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
