Гэрэл зургийг MPA агентлагийн онцгой зөвшөөрөлтэйгөөр ашиглав

Баяр наадмын амралтаар гарсан осол гэмтэл ба шалтгаан нөхцөлийн талаар Тээврийн Цагдаагийн Алба (ТЦА)-наас тодрууллаа. 

Энэ өдрүүдэд зам тээврийн 1,855 осол бүртгэгдсэн байна.

Хүүхэд өртөж хохирсон ослын талаар "24 хүүхэд гэмтсэн, гурван хүүхдийн амь нас хохирсон" гэдгийг ТЦА-ны Урьдчилсан сэргийлэх хэлтсийн ахлах мэргэжилтэн, цагдаагийн хошууч Г.Отгонтамир хэлсэн юм. 

Орон нутгийн замд осол гарч буй шалтгаан нь: 

• Хурд хэтрүүлэх
• Хориглосон нөхцөлд гүйцэж түрүүлэх үйлдлийг хийх
• Зорчигчид хамгаалах бүс зүүгээгүй
• Жолооч сайтар амраагүй байх зэрэгтэй холбоотой байна. 

Жолооч, зорчигчдын нийтлэг зөрчил дутагдал: 

• Хол замд тэнхлэг тохиргоо нь алдагдсан тээврийн хэрэгсэлтэй явж байна.
• Дугуй нь хагарахад бэлэн болсон тээврийн хэрэгсэлтэй явдаг. 
• Урд талдаа хоёр өвлийн дугуйтай, хойд талдаа зуны дугуйтай байна.
• Цагдаад харагдах байдлаараа жолооч, урд талын зорчигч хоёр бүсээ зүүжээ. Хойноо амьдралын утга учир болсон үр хүүхдүүдээ сул чөлөөтэй хаячихсан, ор засаад өгчихсөн явж байна. 
• Тээврийн хэрэгслийн гадна талын гэрэлтүүлэг асдаггүй. 

Мөн шөнө оройн цагаар гэрлээ шилжүүлэх хэрэгтэйг зөвлөлөө.