Олон нийтийн газарт зүй бусаар биеэ авч явах 2,313 удаагийн зөрчил бүртгэгджээ

Гэрэл зургийг MPA агентлагийн онцгой зөвшөөрөлтэйгөөр ашиглав

Прокурорын байгууллага гуравдугаар сарын 09-16-ныг хүртэл хугацаанд улсын хэмжээнд зөрчил шалган шийдвэрлэх эрх бүхий албан тушаалтны хүлээн авсан 180,600 зөрчлийн талаарх гомдол, мэдээллийг Зөрчлийн бүртгэл, мэдээллийн нэгдсэн санд бүртгэсэн байна.

Үүнээс эрх бүхий албан тушаалтан 174,649 буюу 96.7 хувийг газар дээр нь, 1,956 буюу 1.1 хувийг бүртгэлд авч хялбаршуулсан журмаар торгох шийтгэл оногдуулж, 1,566 буюу 0.9 хувьд нь зөрчлийн хэрэг бүртгэлтийн хэрэг нээжээ.

Прокурор эрх бүхий албан тушаалтны зөрчлийн талаарх гомдол, мэдээллийг хүлээн авахаас татгалзаж шийдвэрлэсэн 1,199 шийдвэрийг хянаж, 24 буюу хоёр хувийг хүчингүй болгож, зөрчлийн хэрэг нээж зөрчил шалган шийдвэрлэх эрх бүхий байгууллагад шилжүүлсэн байна.

Мөн эрх бүхий албан тушаалтны зөрчлийн хэргийг хэрэгсэхгүй болгосон 86 шийдвэрийг хянаж, долоо буюу 8.1 хувийг хүчингүй болгож, нэмэлт зөрчлийн хэрэг бүртгэлтийн ажиллагаа хийлгэхээр буцааж, нэг буюу 1.2 хувьд эрүүгийн хэрэг үүсгэж, яллагдагчаар татаж, 10 буюу 11.6 хувьд эрүүгийн хэрэг бүртгэлтийн хэрэг нээж, шийдвэрлэн хохирогчийн зөрчигдсөн эрхийг сэргээжээ.

Бүртгэгдсэн нийт зөрчлөөс

• Замын хөдөлгөөний аюулгүй байдлын тухай хууль зөрчих зөрчил 171,494 буюу 95 хувийг,
• Олон нийтийн газарт зүй бусаар биеэ авч явах зөрчил 2,313 буюу 1.3 хувийг,
• Автотээврийн тухай хууль зөрчих зөрчил 847 буюу 0.7 хувийг,
• Жолоочийн даатгалын тухай хууль зөрчих зөрчил 846 буюу 0.5 хувийг эзэлж байгаа нь хамгийн их байна.