“Говь Эрдэнэ Кашмер” Канад улсын Ванкувер хотод шинэ салбар “GERDENE” брэнд дэлгүүрийнхээ нээлтийг хийлээ
Монгол Улсын хөнгөн үйлдвэрлэлийн салбарт тэргүүлэгчдийн нэг “Говь Эрдэнэ Кашмер” компани олон улсын зах зээлд гарах стратегийн хүрээнд Канад улсын Ванкувер хотод шинэ салбар дэлгүүрээ нээлээ.
2010 онд байгуулагдан тогтвортой үйлдвэрлэл, үйл ажиллагаагаа явуулан, чанарыг эрхэмлэн дэлхийн 10 гаруй улс орон руу экспорт хийн ажиллаж байна.
Ванкувер хот дахь шинэ салбар нь компанийн олон улсын зах зээлд гарах бодлого, Монгол ноолуурын чанар, үнэ цэнийг дэлхийд таниулах зорилтын нэг хэсэг бөгөөд брэндийн хөгжлийн дараагийн чухал үе шат болж байна.
Нээлтийн арга хэмжээнд оролцсон зочид Монгол ноолуураар урласан загваруудтай танилцаж, байгальд ээлтэй, дээд зэргийн чанар, тансаг бүтээгдэхүүнүүдтэй биечлэн танилцлаа.
“Говь Эрдэнэ Кашмер”-ийн Канад дахь шинэ салбар дэлгүүрийн нээлт Монгол ноолуурын тансаг чанар, үндэсний үйлдвэрлэлийн үнэ цэнийг дэлхийн түвшинд таниулах чухал алхам боллоо.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
