Мянган бөхөөс тодорсон Даян аварга, арслан, гарди, заан, харцага, начинтай НААДАМ

Гэрэл зургийг MPA агентлагийн онцгой зөвшөөрөлтэйгөөр ашиглав

Тулгар төрийн 2235, Их Монгол Улс байгуулагдсаны 820, үндэсний эрх чөлөө, тусгаар тогтнолоо сэргээн мандуулсны 115, Ардын хувьсгалын 105 жилийн ойн Үндэсний их баяр наадмын хүчит бөхийн барилдаан өндөрлөлөө.

Энэ удаагийн барилдаанд 10 давж түрүүлсэн Сэлэнгэ аймгийн Цагааннуур сумын харьяат Баярсайханы Орхонбаярт ДАЯН АВАРГА, ес давж үзүүрлэсэн Ховд аймгийн Зэрэг сумын харьяат Баярхүүгийн Бат-Өлзийд УЛСЫН АРСЛАН цол хүртээсэн билээ.

Түүнчлэн Завхан аймгийн Яруу сумын харьяат Мөнхтөрийн Лхагвагэрэл найм давснаар УЛСЫН ГАРДИ цолын болзол хангасан юм.

Ингээд энэ жилийн наадмаар улсын цол авсан бөхчүүдийг жагсаавал

Даян аварга

• Сэлэнгэ аймгийн Цагааннуур сумын харьяат, улсын арслан Баярсайханы Орхонбаяр,

Улсын арслан

• Ховд аймгийн Зэрэг сумын харьяат, улсын заан Баярхүүгийн Бат-Өлзий,

Улсын гарди

 

Гэрэл зургийг MPA агентлагийн онцгой зөвшөөрөлтэйгөөр ашиглав

• Завхан аймгийн Яруу сумын харьяат, улсын заан Мөнхтөрийн Лхагвагэрэл,

Улсын заан

• Увс аймгийн Ховд сумын харьяат, улсын өсөх идэр начин Лхагвасүрэнгийн Энхсаруул,
• Хэнтий аймгийн Өмнөдэлгэр сумын харьяат, аймгийн хурц арслан Даваасүрэнгийн Алтанцоож,
• Завхан аймгийн Баянхайрхан сумын харьяат, аймгийн начин Батбаярын Сундуйжав,

Улсын харцага

• Булган аймгийн Хишиг-Өндөр сумын харьяат, улсын начин Бямбадоржийн Түвшинтөгс,
• Архангай аймгийн Хотонт сумын харьяат, улсын начин Эрдэнэхүүгийн Мөнхжаргал,
• Архангай аймгийн Тариат сумын харьяат, аймгийн арслан Өнөрбаянгийн Батсуурь,

Улсын начин

 

Гэрэл зургийг MPA агентлагийн онцгой зөвшөөрөлтэйгөөр ашиглав

• Сүхбаатар аймгийн Онгон сумын харьяат, аймгийн хурц арслан Б.Номиндалай,
• Архангай аймгийн Хотонт сумын харьяат, аймгийн арслан Б.Шаравдорж,
• Сэлэнгэ аймгийн Мандал сумын харьяат, аймгийн арслан Х.Наранбаяр,
• Дорнод аймгийн Баян-Уул сумын харьяат, аймгийн хурц арслан Г.Төрмөнх,
• Баянхонгор аймгийн Хүрээмарал сумын харьяат, цэргийн арслан Г.Жамбалдорж,
• Увс аймгийн Тэс сумын харьяат, аймгийн хурц арслан Б.Өсөхбаяр,
• Ховд аймгийн Зэрэг сумын харьяат, аймгийн арслан Ж.Жавхлан,
• Өмнөговь аймгийн Сүмбэр сумын харьяат, аймгийн хурц арслан Э.Мөнхбаатар,
• Хөвсгөл аймгийн Бүрэнтогтох сумын харьяат, аймгийн арслан Э.Баасанжав,
• Завхан аймгийн Идэр сумын харьяат, аймгийн арслан А.Нармандах,
• Булган аймгийн Сайхан сумын харьяат, аймгийн арслан Н.Намнансүрэн,
• Дундговь аймгийн Эрдэнэдалай сумын харьяат, аймгийн хурц арслан Н.Амгаланбаатар,
• Булган аймгийн Сайхан сумын харьяат, аймгийн арслан Б.Бат-Эрдэнэ, 
• Архангай аймгийн Хотонт сумын харьяат, цэргийн заан Б.Гончигсүрэн нарын 14 начин боллоо.