УИХ түүхэндээ анх удаа Үндсэн хуулийн цэцэд хүсэлт гаргахаар боллоо
11:18 2025/04/18
Өнөөдрийн хуралдаанаар УИХ-аас Үндсэн хуулийн цэцэд хүсэлт гаргах асуудлыг хэлэлцэж, УИХ-ын гишүүдийн олонх нь дэмжлээ. Ингэснээр УИХ 33 жилийн түүхэнд анх удаа Үндсэн хуулийн цэцэд хүсэлт гаргахаар боллоо.
Ямар хүсэлт гаргах талаар УИХ-ын гишүүн Х.Тэмүүжин "Үндсэн хуулиар бол УИХ-ын шийдвэр зөвхөн Үндсэн хуулийн цэцэд хянагддаг. Гэтэл практик дээр УИХ-ыг ердийн шүүх дуудаж байна. УИХ-ын тэмдэглэл, хуралдаанаар шийдсэн асуудал, үндэслэлийг шүүхийн зүгээс нотлох баримтын хүрээнд гаргаж өгөх, УИХ итгэмжлэгдсэн төлөөлөгчөө энэ хуралдаанд томил гэж хэлсэн.
Агуулга нь УИХ-д ажлаа хариуцан тайлагнадаг байгууллагын даргыг томилсон, чөлөөлсөн асуудлаар нэг иргэн гомдол гаргасан. Энэ практик хууль ёсоор цаашдаа үргэлжилбэл УИХ ямар нэгэн албан тушаалтныг томилох асуудалд томилогдоогүй хүн нь УИХ-ыг шүүхэд өгөх гажуудал үүсэх гэж байна.
Манай улс парламентын засаглалтай. Үндсэн хуульд төрийн эрх барих дээд байгууллагыг УИХ гэж нэрлэдэг. Хууль тогтоох эрх мэдэл гагцхүү УИХ-д хадгалагдана. Энэхүү Үндсэн хуулийн хил хязгаарыг ердийн шүүх давж алхаж болохгүй. Энэ гажгийг таслан зогсоох нэг арга зам бол Үндсэн цэцэд хүсэлт илэрхийлэх юм" гэж тайлбарлав.
Үргэлжлүүлэн тэрбээр "Монгол Улсын Ерөнхий аудитор асан Д.Хүрэлбаатар төрөөс баталгаа гаргасан зээл хүртэгч байх хориотой байсан. Гэтэл мань хүн өөрөө Жижиг, дунд үйлдвэрийг хөгжүүлэх сангаас нэн хөнгөлөлттэй зээл авсан. Санхүүгийн хариуцлагыг хамгийн дээр нь очоод хянах ёстой хүн өөрөө зээл авчихсан. УИХ-ын ээлжит сонгуульд нэр дэвших, хариуцлага хүлээх гэсэн хоёр үйл явц давхцаад чөлөөлөгдсөн.
Гэтэл өөрөө бүх шатны шүүхээр гүйж, УИХ намайг буцаан томилох ёстой гэсэн шаардлага тавиад яваад байна. Үндсэн хуулийн цэц энэ бол шүүхийн асуудал биш гэсэн. Шүүх рүү шийдэгдэж явсаар Үндсэн хуулийн цэц дээр хоёр дахь удаа очиход одоо Үндсэн хуулийн цэцэд ажилладаггүй хоёр хүн алх цохоод явчихсан" хэмээн нэмж ярив.
10:15 2025/04/18
УИХ-ын хаврын ээлжит чуулганы нэгдсэн хуралдаан Төрийн ордонд болж байна.
Өнөөдрийн хуралдаанаар дараах асуудлыг хэлэлцэнэ. Үүнд:
- Зөвшөөрлийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүд
- УИХ-аас Үндсэн хуулийн цэцэд хүсэлт гаргах саналын тухай
шууд үзэх:
11:18 2025/04/18
Өнөөдрийн хуралдаанаар УИХ-аас Үндсэн хуулийн цэцэд хүсэлт гаргах асуудлыг хэлэлцэж, УИХ-ын гишүүдийн олонх нь дэмжлээ. Ингэснээр УИХ 33 жилийн түүхэнд анх удаа Үндсэн хуулийн цэцэд хүсэлт гаргахаар боллоо.
Ямар хүсэлт гаргах талаар УИХ-ын гишүүн Х.Тэмүүжин "Үндсэн хуулиар бол УИХ-ын шийдвэр зөвхөн Үндсэн хуулийн цэцэд хянагддаг. Гэтэл практик дээр УИХ-ыг ердийн шүүх дуудаж байна. УИХ-ын тэмдэглэл, хуралдаанаар шийдсэн асуудал, үндэслэлийг шүүхийн зүгээс нотлох баримтын хүрээнд гаргаж өгөх, УИХ итгэмжлэгдсэн төлөөлөгчөө энэ хуралдаанд томил гэж хэлсэн.
Агуулга нь УИХ-д ажлаа хариуцан тайлагнадаг байгууллагын даргыг томилсон, чөлөөлсөн асуудлаар нэг иргэн гомдол гаргасан. Энэ практик хууль ёсоор цаашдаа үргэлжилбэл УИХ ямар нэгэн албан тушаалтныг томилох асуудалд томилогдоогүй хүн нь УИХ-ыг шүүхэд өгөх гажуудал үүсэх гэж байна.
Манай улс парламентын засаглалтай. Үндсэн хуульд төрийн эрх барих дээд байгууллагыг УИХ гэж нэрлэдэг. Хууль тогтоох эрх мэдэл гагцхүү УИХ-д хадгалагдана. Энэхүү Үндсэн хуулийн хил хязгаарыг ердийн шүүх давж алхаж болохгүй. Энэ гажгийг таслан зогсоох нэг арга зам бол Үндсэн цэцэд хүсэлт илэрхийлэх юм" гэж тайлбарлав.
Үргэлжлүүлэн тэрбээр "Монгол Улсын Ерөнхий аудитор асан Д.Хүрэлбаатар төрөөс баталгаа гаргасан зээл хүртэгч байх хориотой байсан. Гэтэл мань хүн өөрөө Жижиг, дунд үйлдвэрийг хөгжүүлэх сангаас нэн хөнгөлөлттэй зээл авсан. Санхүүгийн хариуцлагыг хамгийн дээр нь очоод хянах ёстой хүн өөрөө зээл авчихсан. УИХ-ын ээлжит сонгуульд нэр дэвших, хариуцлага хүлээх гэсэн хоёр үйл явц давхцаад чөлөөлөгдсөн.
Гэтэл өөрөө бүх шатны шүүхээр гүйж, УИХ намайг буцаан томилох ёстой гэсэн шаардлага тавиад яваад байна. Үндсэн хуулийн цэц энэ бол шүүхийн асуудал биш гэсэн. Шүүх рүү шийдэгдэж явсаар Үндсэн хуулийн цэц дээр хоёр дахь удаа очиход одоо Үндсэн хуулийн цэцэд ажилладаггүй хоёр хүн алх цохоод явчихсан" хэмээн нэмж ярив.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
10 СЭТГЭГДЭЛТЭЙ
|
