Бокс 2028 оны олимпын хөтөлбөрт үлдэнэ
Олон Улсын Олимпын Хороо (ОУОХ)-ны Гүйцэтгэх Зөвлөлөөс боксыг 2028 оны олимпод үлдээх шийдвэр гаргалаа.
ОУОХ-ноос 2023 оны зургаадугаар сараас IBA буюу International Boxing Association-ыг олимп зохион байгуулах эрхийг нь албан ёсоор хассан. Улмаар боксын 2028 оны олимпын хөтөлбөрт багтаагүй юм.
Энэ байдлаас гарах зорилгоор Дэлхийн Бокс (World Boxing)-ын холбоо байгуулагдсан. Тус холбоо 2023 оны дөрөвдүгээр сард байгуулагдаж, өдгөө таван тивийн 84 гишүүнтэй болжээ.
Өнгөрсөн сард ОУОХ-ныхон Дэлхийн Боксын холбоог хүлээн зөвшөөрөхөд хэд хэдэн шаардлагыг хангасан гэж мэдэгдэж байв.
Олимпын эрх олгох тэмцээнд зөвхөн тус холбоонд гишүүнчлэлтэй улсууд оролцох боломжтой гэж ОУОХ баталлаа. Одоогоор эрх олгох тэмцээн хэзээ, хаана зохион байгуулагдах нь тодорхойгүй байна.
Энэ сарын 30-наас дөрөвдүгээр сарын 7-ныг дуустал Бразилд Дэлхийн Цомын тэмцээн болно. Харин насанд хүрэгчдийн Дэлхийн Аварга Шалгаруулах Тэмцээн (ДАШТ) ирэх есдүгээр сарын 4-нөөс 14-ныг дуустал Англид зохион байгуулах юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
3 СЭТГЭГДЭЛТЭЙ
|
