ТООЦООЛОЛ: Сард 6,967 кВт.ц цахилгаан эрчим хүч хэрэглэсэн айлын төлбөр 1.3 сая төгрөг болж байна

Гэрэл зургийг MPA агентлагийн онцгой зөвшөөрөлтэйгөөр ашиглав

Эрчим хүчний зохицуулах хорооноос цахилгааны үнэ тарифыг 2024 оны арваннэгдүгээр сарын 15-ны өдрөөс гурван шатлалтай болгож шинэчилсэн. Өмнө нь мөрдөж байсан цахилгаан өдөр, шөнийн цагийн хоёр тариф дээр оройн оргил ачааллын цагийн тарифыг шинээр нэвтрүүлээд буй.

Шинэчлэгдсэн үнэ тарифаар хэрэглэгчийн төлбөрийг тооцохдоо тоолуурын заалтаар гарсан нийт хэрэглээг шатлал бүрд хуваахгүйгээр өдөр, орой, шөнийн хэрэглээний заалтыг үндэслэн нийт хэрэглээнд эзлэх хувийг тооцож, хувь тус бүрийг 150 кВт.ц, 151-300 кВт.ц, 301 кВт.ц-аас дээш гэсэн хэрэглээний шатлалын тарифаар үржүүлэн гаргах аргачлалыг мөрддөг байна.

Айл өрхийн цахилгааны төлбөрийг хэрхэн тооцдог энэхүү аргачлалаа "УБЦДС" ТӨХК-аас танилцууллаа.

Айл өрх, хэрэглэгчид борлуулах цахилгааны шинэчлэгдсэн тариф:

 

Шинэчлэгдсэн үнэ тарифаар хэрэглэгчийн төлбөрийг тооцохдоо тоолуурын заалтаар гарсан нийт хэрэглээг шатлал бүрд хуваахгүйгээр өдөр, орой, шөнийн хэрэглээний заалтыг үндэслэн нийт хэрэглээнд эзлэх хувийг тооцож, хувь тус бүрийг 150 кВт.ц, 151-300 кВт.ц, 300 кВт.ц-аас дээш гэсэн хэрэглээний шатлалын тарифаар үржүүлэн гаргах аргачлалыг мөрдөж байгаа юм.

Жишээ нь: 

Гэр хороололд амьдардаг, 380В-ын сүлжээнд холбогдсон, хоёр тарифт тоолууртай, цахилгаан халаагуур хэрэглэдэг айлын сарын нийт хэрэглээ 6,967 кВт.ц гарсан төлбөрийн тооцоолол дээр тайлбарлая. 

Нийт хэрэглээнд өдөр болон шөнийн хэрэглээний эзлэх хувийг тооцоолно.

Тухайн айлын тоолуурын сарын турших хэрэглээний заалт:

• өдөр (06:00-21:00 цаг)        4,518 кВт.ц
• шөнө (21:00-06:00 цаг)       2,449 кВт.ц 

Өдөр, шөнийн хэрэглээний сарын нийт хэрэглээнд эзлэх хувь:

• өдөр: 4518 кВт.ц / 6967 кВт.ц * 100% = 64.8%
• шөнө: 2,449 кВт.ц / 6,967 кВт.ц * 100% = 35.2%  

Тарифын  шатлал бүрд ногдох хэрэглээг дээрх хувиар тооцож гаргана. 

 

Хүснэгтээс харж байгаагаар тухайн айлын нийт хэрэглээ болох 6,967 кВт.ц-ийн эхний 300 кВт.ц нь I, II шатлал, үлдсэн 6,667 кВт.ц нь III шатлалын тарифт хамрагдана.

I, II, III шатлалд тод ногооноор тэмдэглэсэн хэрэглээний нийт дүн 1,500 кВт.ц, бүдэг ногооноор тэмдэглэсэн хэрэглээний дүн 949 кВт.ц ба Монгол Улсын Засгийн газрын 2017 оны “Гэр хорооллын айл өрхөд цахилгаан эрчим хүчний тарифын хөнгөлөлт үзүүлэх журмыг батлах тухай” 199 дүгээр тогтоол, Эрчим хүчний зохицуулах хорооны 2024 оны “Тарифт хөнгөлөлт үзүүлэх тухай” 749 дүгээр тогтоолын дагуу 1,500 кВт.ц хэрэглээ нь 100%, үлдсэн 949 кВт.ц-ийн тариф нь 50%-аар тус тус хөнгөлөгдөнө.

Шатлал бүрд ногдсон хэрэглээг тохирох тарифаар үржүүлж, төлбөрийг тооцоолно. Жишээлбэл:

 

Тухайн айлын нийт хэрэглээ болох 6,967 кВт.ц-ийн эхний 300 кВт.ц нь I, II шатлал, үлдсэн 6,667 кВт.ц-ийг нь III шатлалын тарифаар үржүүлж гаргасан нийт дүн 1,579,659.99 төгрөг болсон ба шөнийн цагаар хэрэглэсэн 1,500 кВт.ц цахилгааны тарифын 346,758 төгрөгийг хөнгөлөөд 1,394,067.99 төгрөгийг төлбөр төлөх тооцоо гарсан байна.