Б.Намсрай, Б.Отгонбаатар нар энэ сарын 29-нд тулалдана
Дэлхийн хамгийн том холимог тулааны холбоо UFC-д тулалдах эрх авахын төлөө залуу тулаанчид хүч үздэг "Road to UFC"-гийн тавдугаар улирал үргэлжилж буй.
Тавдугаар сарын 29-нд буюу энэ Баасан гарагт Макаогийн ''Галакси Арена"-д болох тэмцээнээр манай улсын хоёр тулаанч өрсөлдөх юм.
Өмнөх улирлын шигшээд шалгарсан Б.Намсрай БНХАУ-ын тамирчин Иен Шуайтай тулна. Б.Намсрайгийн тулаан тодорхой шалтгааны улмаас нэг бус удаа хойшилсон билээ. Тэр Австралийн Аарон Таутай тулалдах хуваарьтай байсан ч өрсөлдөгч нь жиндээ орж чадаагүй. Тиймээс түүнд хагас шигшээд ялагдсан Иен Шуайд дахин боломж олгосон байна.
Харин MGL1 холбооны аварга Б.Отгонбаатар ''Road to UFC"-гийн эхний шатанд Японы тамирчин Такаяа Сүзүкитай өрсөлдөх аж.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
