United Airlines компани тавдугаар сарын 1-нээс эхлэн 7 хоногт 3 удаа Улаанбаатарын чиглэлд нислэг үйлдэнэ

Монголын Иргэний Агаарын Тээвэр ТӨХК-аас 2025 оны зуны улирлын олон улсын болон орон нутгийн хуваарьт нислэгийг танилцуулж байна. 

Орон нутгийн хуваарьт нислэгт MИAT ТӨХК нь Ховд, Хөвсгөл, Увс, Завхан, Говь-Алтай зэрэг нийт зургаан чиглэлд 764 нислэг үйлдэнэ.

Харин ОХУ, БНХАУ, БНСУ, Вьетнам зэрэг нийт таван улсын 17 агаарын тээвэрлэгч олон улсын хуваарьт нислэг үйлдэхээр төлөвлөсөн бөгөөд 22 чиглэлд 10,116 нислэг үйлдэхээр хуваарь батлагджээ. Энэ нь 2019 онтой харьцуулахад 100.9 хувиар, 2024 онтой харьцуулахад 8.9 хувиар өссөн үзүүлэлттэй юм байна.

Зуны улирлын хуваарьт нислэгт Хо Ши Минь, Ордос болон MИAT агаарын тээвэрлэгч нь Бээжин Дашин чиглэлүүдэд шинээр нислэг үйлдэхээр төлөвлөжээ.

АНУ-ын United Airlines тавдугаар сарын 1-нээс 7 хоногт 3 удаа, БНХАУ-ын Spring Air, Hainan Airlines, China United Airlines, Juneyao Airlines болон БНСВУ-ын Vietjet агаарын тээвэрлэгчид нислэг үйлдэхээр байна.

Түүнчлэн Aeromongolia агаарын тээвэрлэгч ОХУ-ын Москва хот руу , Hunnu Air агаарын тээвэрлэгч БНУУ-ын Ташкент хот руу нислэг үйлдэхээр бэлтгэл ажлаа хангаж байгаа тухай мэдээллийг MИAT ТӨХК-д хүргүүлсэн байна.

2025 оны зуны улирлын олон улсын болон орон нутгийн хуваарьт нислэгийг танилцуулж байна