"Орон сууцны захиалга өгч, хохирсон иргэд гомдол, мэдээллээ ирүүлнэ үү"
Улаанбаатар хот болон аймгуудад орон сууцны барилга, төсөл, хөтөлбөр хэрэгжүүлэх явцдаа иргэдийг хохироож, зөрчил үүсгэж буй асуудлыг https://docs.google.com/.../1FAIpQLSeySIyW4.../viewform... холбоосоор Барилга, Хот Байгуулалтын Яаманд мэдэгдэх боломжтой болжээ.
Тухайлбал иргэдээс урьдчилсан захиалга авч, гэрээнд заасан хугацаандаа барилгаа ашиглалтад оруулахгүй байх, захиалагч нараа оруулах болоход анхны үнээ өсгөж, худалдан авагчтай байгуулсан гэрээгээ зөрчиж буй асуудлуудыг тодорхой баримттай судалж, дүгнэлт гаргах зорилгын хүрээнд бодит мэдээлэл цуглуулахаар болсон байна.
Орон сууцны урьдчилсан захиалга, барилга угсралтын ажлын явцтай холбоотой хохирсон иргэд гомдол мэдээллээ үнэн зөв бөглөж илгээхийг зөвлөлөө.
Эх сурвалж: БХБЯ
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
