ВИДЕО: Францын хөгжимчид Элизейн ордонд “Жалам хар” тоглож, Монголын нийт иргэдэд хүндэтгэл үзүүлэв

Монгол Улсын Ерөнхийлөгч Ухнаагийн Хүрэлсүх Бүгд Найрамдах Франц Улсын Ерөнхийлөгч Эммануэл Макроны урилгаар 2023 оны аравдугаар сарын 10-14-ний өдрүүдэд Франц Улсад төрийн айлчлал хийлээ.

Төрийн айлчлалын хүрээнд хоёр улсын Ерөнхийлөгч Элизейн ордонд хэлэлцээ хийж, хэвлэлийнхэнд мэдээлэл өгсөн талаар мэдээлсэн.

Хэлэлцээний дараа Францын хөгжимчид Элизейн ордонд “Жалам хар” тоглож манай улсын ард иргэдэд хүндэтгэл үзүүлэв.

Элизейн ордонд Франц Улсын Ерөнхийлөгчийн өдөр тутмын ажлаа эрхлэн явуулдаг өргөө юм байна.

Энэхүү барилга нь гурван давхар бөгөөд цэцэрлэгт хүрээлэн, хүндэтгэлийн ордныг тойрсон нэмэлт барилга байгууламжаас бүрддэг.

Төв байрны доод давхарт  гадаадын зочид хүлээн авах, уулзалт хийх, Сайд нарын зөвлөлийн хуралдаанд зориулсан ёслолын албан ёсны арга хэмжээг зохион байгуулдаг аж.

Уг өргөөг 1720 онд Эврийн гүн Луи-Анри де Ла Тур Д’Овернд зориулан барьсан түүхтэй байна.